داعشیانو د شبنامو په خپرولو سره د غزني ولایت د قرهباغ ولسوالۍ له اوسېدونکي غوښتي دي چې له طالبانو سره خپلې اړیکې قطع کړي او خپل زامن د طالبانو له لیکو راوباسي. دې ډلې د شبنامې په یوځای کې له خلکو غوښتي دي چې له دوی ملاتړ وکړي.
د غزني د قرهباغ ولسوال صاحبخان له سلام وطندار سره په خبرو کې وویل چې داعشیانو د شبنامو په خپرولو سره د دې ولسوالۍ له اوسېدونکیو غوښتي دي چې له طالبانو سره همکاري ونهکړي او که چېرې پهدې اړه څوک ولیدل شو؛ سر به یې پرې کړي.
د ده په خبره، د قرهباغ او د زابل د خاکِافغان سیمې نږدېوالی چې د داعشیانو د حضور مهم ځای بلل کېږي؛ د دې لامل شي چې داعشیان به هم دې ولسوالۍ ته نفوذ وکړي.
د غزني د ولایتي شورا غړی عبدالباري شلګری هم د خلکو د معلوماتو لهمخې وايي چې داعشیانو د دې ولسوالۍ په ځېنو ځایونو کې تبلیغات پیل کړي چې د راتلونکي کال د پسرلي په موسم کې د دې ډلې فعالیتونه ډېرېږي.
د هغه په وینا، داعشیانو د خلکو د ذهنیت په بدلولو او هغو ځایونو په نیولو هڅې شروع کړي چې لهدې مخکې له طالبانو سره وې.
خو په جنوبشرق کې د ۲۰۳ تندر قول اردو قوماندان شعورګل وايي چې ملي اردو تر اوسه په غزني کې د داعشیانو د حضور په اړه معلومات نهلري.
د هغه په خبره، امنیتي ځواکونه پلان لري په غزني کې د ښه امنیت په پارعملیات پیل کړي.
قرهباغ د غزني ناامنه ولسوالي ده چې طالبانو ډېر ځلې د دې ولسوالۍ کلیو ته تللې لارې بندې کړېدي.
