له یوې اوونۍ په کمه موده کې د داعش ډلې له خوا د ترکيې په استانبول ښار کې له مرګوني بريد وروسته دا دویم برید دی، چې د ترکانو خوبونه يې تښتولي دي.
دغه چاودنه نن سهار (پنجشنبه جنوري۱۴مه) د ترکيې په سویل ختیځ سیمه کې د پولیسو د یوې ادارې ترڅنګ ترسره شوه.
د الجزیرې د راپور له مخې په دغه پېښه کې تر اوسه ۵ تنه وژل شوي او لسګونه نور ټپيان دي.
له دې وجې، چې د ټپي شویو کسانو شمېر زیات دي، نو کېدای شي په وژل شويو کسانو کې زیاتوالی راشي.
د ترکيې پر سینا ښار د دغه برید پړه د کردستان (پ،ک،ک) ډلې پر غاړه اخیستې ده.
د "حریت " په نامه یوې ترکي رسنۍ راپور ورکړی، چې د دغې برید اصلي هدف سینار ښار کې د پولیسو ماموریت و.
د راپورونو له مخې لومړی ځانمرګي له چاودیدونو توکو ډک موټر د دغه پولیس د دروازې ترڅنګ چاودولی او وروسته یې په درنو وسلو بریدونه پېل کړي.
د هابر په نوم د يوې سیمه ییزې رسنۍ د خبر له مخې په دغه برید کې د (پ،ک،ک) ډلې ۸ تنه وژل شوي دي.
د کاګرانو حزب د کردستان استقلال غوښتونکي او چپي دي، چې له ۱۹۸۴م ز کال راهیسې د ترکيې له مرکزي دولت سره په جګړه بوخت دی.
دغه ډله دولت تورنوي، چې د کرد اقلیتونو حقوقو ته پام نه کوي.
د راپورونو پر بنسټ دواړه لوري هم د ترکيې دولت او هم کردانو له یو بل سره د جګړو پر مهال بشري حقونه تر پښو لاندې کړي.
د ویلو ده، چې د ۹۰ مې لسیزې په نیمايي کې د ترکيې پوځي عملیاتو په نتیجه کې د (پ،ک،ک) ډلې ۴۵ زره تنه وژل شوي وو.
