په تخار کې له څلور ورځنۍ لوږې وروسته د یوې کورنۍ ۴غړي روغتون ته ولېږدول شول.
د تخار د کلفکان ولسوالۍ د باغبالا کلي اوسېدونکيو د دې کلي د یوې کورنۍ ۴ غړي روغتون ته ولېږدول چې د بېوزلۍ او د خوراک نهلرلو له امله ناروغ شويوو.
دوی وايي چې دا کورنۍ ښځه او مېړه او دوې لوڼې دي.
د تخار روغتون مسوول منیز عزیزي وايي، دا څلور تنه په خوارځواکۍ اخته شوي او د کورنۍ مو او یوه لور رواني ناروغي هم لري.
د کلفکان ولسوالۍ اوسېدونکي وايي، د دې کورنۍ غړي هېڅ سرپرست نهلري او د ناچارۍ له امله یې خوراک او څښاک ته لاسرسی نهلرلو.
په ورته وخت کې د تخار د والي ویاند جواد هجري وايي چې د دې کورنۍ د ستونزې د رسېدنې لهپاره محلي ادارې یو پلاوی ټاکلی دی.
په خواله رسنیو کې د دې خبر له خپرېدلو وروسته د تخار اوسېدونکیو لهدې کورنۍ سره نقده مرسته کړېده.
تردامهال دې کورنۍ ته ۸۰ زره افغانۍ مرسته ټوله شوېده.
