د مرکزي بانک او برېښنا شرکت مسوولانو نن (یکشنبه) د عامه اعتبارونو ثبت سېسټم کارونې په اړه د همکارۍ هوکړهلیک لاسلیک کړ.
د مرکزي بانک رییس خلیلالله صدیق وايي، د دې هوکړې له مخې د برېښنا شرکت هغو پېرېدونکيو ټولې ځانګړنې چې د برېښنا لګښت پیسې په خپل وخت ورکوي، پهې سېسټم کې ثبتېږي او هغوی کولی شي د اړتیا پرمهال له بانکونو او نورو مالي بنسټونو په اسانۍ پور واخلي.
په همدې حال کې د برېښنا شرکت رییس امانالله غالب دا هوکړهلیک د برېښنا شرکت او د افغانستان مرکزي بانک لپاره ګټور بولي.
د مرکزي بانک رییس په وینا، د نړېوال بانک رپوټ له مخې افغانستان مالي سرچینو ته د اسانه لاسري په نوملړ کې ۱۰۵م ځای لري او د عامه اعتبارونو ثبت سېسټم په کارونې سره به یې دا موقف نور هم لوړ شي.
ښاغلی صدیق زیاتوي، د عامه اعتبارونو ثبت سېسټم کارونه د دې بانک فعالیت د هېواد ټولیز اقتصاد کې پراخوي او څومره چې بانک خلکو ته پور ورکړي، په هماغې کچې به د خلکو عامه اقتصاد وده وکړي.
ټاکل شوې مرکزي بانک په نږدې راتلونکي کې د عامه اعتبارونو ثبت سېسټم کارونې په اړه ورته هوکړهلیک د مخابراتو د تنظیم یا اترا ادارې سره هم لاسلیک کړي.
