په وروستیو کې د فراه مستعفي شوی والي محمدعارف شاهجهان د میدان وردګو والي په توګه ګومارل شویدی. ښاغلي شاهجهان د فراه ولایت د اوسېدونکیو له پراخو اعتراضونو وروسته له خپلې څوکۍ استعفا ورکړېوه.
د فراه ولایتي شورا غړی دادالله قانع سلاموطندار ته وايي، کله چې ښاغلی شاهجهان د فراه والي وو؛ دغه ولایت کې د طالبانو نفوذ پراخ شویو.
د ښاغلي قانع په خبره، د فراه پخوانی والي د چارو سمبالولو وړتیا نهلري او خپله یې هم پهدې خبره اعتراف کړیدی.
خو د سیمهییزو ارګانونو خپلواکې ادارې ویانده منیره یوسفزاده وايي، عارف شاهجهان په کار پوه سړی دی او یوې ډلې د خلکو له احساساتو څخه په ګټنې یو شمېر خلک فراه کې د ده پر وړاندې را پورته کړيوو.
پهداسې حال کې چې د فراه د اعتراضګرو په وینا، د ښاغلي شاهجهان مدیریتي کمزورتیا د دې لامل شوه چې طالبان د فراه ښار نږدې څنډو ته ځانونه ورسوي. خو ښاغلی شاهجهان بیا دا ادعاوې ردوي؛ وايي کله یې چې استعفا ورکوله؛ د فراه امنیت ښه و او ډېری خلک هم د ده له کړنو خوشاله وو.
ښاغلی شاهجهان وايي، له څلوېښت کال کاري مخینې سره افغانستان په ښه توګه پېژني او د استعفا اصلي لامل یې هم نړۍ کې د یو نوي دود بنسټ اېښودل وو.
دا لومړی ځل نهدی چې په بېکفایتۍ او کاري کمزورتیا تورن چارواکي د حکومتي مشرانو له لوري، ورته پوستونو یا له هغه هم لوړو څوکیو ته غوره کېږي.
د حکومت له دا ډول پرېکړو د هېوادوالو پر نیوکو سربېره داسې معلومېږي چې دولت کې خبرې او اعتراض د اورېدلو څوک نهشته.
