که څه هم افغان کرېکټبورډ دانګلستان په کوربتوب ۲ اوونیو تمریناتي سفر کې د افغان کرېکټ ملي لوبډلې د بوختیاوو په اړه څه نهدي ویلي؛ خو یوې بهرنۍ رسنۍ د افغانستان کرېکټ ملي لوبډلې د یوې شلاوریزې لوبې خبر ورکړی.
د انګلستان (ایونټ برایټ) وېبپاڼې د راپور لهمخې، افغان کرېکټ ملي لوبډله ایرلینډ ته له روانېدلو ۲ ورځې مخکې په انګلستان کې له ورمسلي (سر پال ګیټي) کرېکټ لوبډلې سره یوه نمایشي ۲۰ اوریزه کرېکټ سیالي وکړي.
د دواړو افغانستان او ورمسلي (سرپال ګیټي) غورې لوبډلې ترمنځ به دغه شلاوریزه کرېکټلوبه د اګست پر ۱۵مه نېټه د چهارشنبې په ورځ د افغانستان پر وخت ماښام ۷ نیمې او د انګلستان پر وخت مازیګر ۴ بجې په مشهور «ورمسلي» کرېکټ لوبغالي کې وشي.
د راشد خان، مجیب ځدران، شهزادمحمدي او نبي عیسیخېل په څېر د مشهورو لوبغاړیو په موجودیت کې د دې نمایشي شلاوریزې کرېکټ سیالۍ لیدلو لهپاره له اوسه کمپاین روان دی چې د مینهوالو لهپاره د سیالۍ لیدلو په موخه ۱۰ پونډه ټکټ هم اېښودل شویدی.
تر اوسه له بلې لوبډلې سره د تمریناتي سیالۍ په اړه رسماً څه نهدي ویل شوي.
ټاکل شوېده، په انګلستان کې له تمریناتي کمپ وروسته به افغان کرېکټ ملي لوبډله د ایرلینډ خلاف ۳ شلاوریزو او همدومره ۵۰ اوریزو کرېکټ
