پاکستان نینگ لاهور و سند ایالتلریده یوز بیرگن انتحاری هجوملردن کیین پاکستان حکومتی سند و پنجاب ایالتلریده‌گی افغانستانلیک مهاجرلرگه نسبتن جدی چیکلاولرنی یره‌تیب پولیس نینگ پشتونلرگه کوره زوروانلیگی آشگن.
تشقی ییتکرمه‌لرگه صحبت بیرگن پنجاب ایالتی نینگ قانون وزیری راناثناالله بو مملکتده‌گی کوپینچه ترورچیلیک هجوملرده قبیله‌لر منطقه‌سیده یشیدیگن پشتونلرنینگ قولی بار دیگن. او، قبیله‌لر منطقه‌سیده ناقانونی حیات کیچیره دیگن پشتونلر حدودلریده پولیس عملیات باشله‌گن دیگن. اونینگ سوزلریگه کوره، عملیات کوپراق بیر قومگه خاص دیر.
پنچاب قانون وزیری، بوندن اوچ ییل آلدین لاهورده یوز بیرگن هجومده قولی بارلیکده عیب لب حبس‌گه آلینگن 11 کیشی باجور مومند یشاووچیلری دیگن.
پنچاب ایالتی رسمیلری نینگ بو قراری پاکستان قومگرا حزبلرنینگ جدی عکس العلمی‌گه روپه ره بولیب، پنچاب رسمیلری‌نینگ بو تدبیری پشتونلرگه نسبتن تعصب‌نی کورسته‌دی دیگنلر.
اما، نیشنل عوامی حزبی نینگ رهبری ایمل‌خان پنجاب ایالتی رسمیلری بو تدبریگه عکس العمل کورستیب، پنچاب پولیسی تعصب یوزه‌سیدن پشتونلرگه قرشی عملیات باشله‌گن دیدی.
پاکستان حکومتی بو تدبیرینی قاره‌لگن پاکستانلیک خبرچیلردن بیری شمیم شاهد، بو حقده‌گی قرار فقط پشتونلرنی بدنام قیلیش اوچون قولگه آلینگن بیر تدبیر دیگن.
