پر کندوز ښار د طالبانو ننني برید په پایله کې، د کندوز ـ تخار لویه لار وتړل شوه.
د کندوز د امنیت امر صفيالله محزون وايي، طالبانو نن سهار پر زرخرید او چرخاب سیمو چې د کندوز ښار په څو کیلومترۍ کې دي، بریدونه وکړل، خو امنیتي ځواکونو یې مخه ونیوله.
خو د کندوز ولایتي شورا غړی امرالدین ولي وايي، د امنیتي ځواکونو مدیریت کمزوری دی او که د دې ولایت امنیتي وضعیت کنټرول نهشي، جګړه به د کندوز ښار تر دروازو راورسېږي.
د نوموړي په وینا، وسلهوالو طالبانو د کندوز ـ تخار پر لویه لار پرتو پوستو بریدونه کړي چې له کبله یې یاده لار تړل شوې ده.
بلخوا د طالب ډلې یو ویاند ذبېحالله مجاهد هم د دوی له لوري پر کندوز بریدونه مني او وايي چې اوسمهال هم د امنیتي ځواکونو پر ۱۷ پوستو د دوی بریدونه دوام لري.
