پروان ولایتیده 7 رواجلنتیریش پروژه آچیلدی. اوشبو پروژه‌لردن 4 ته‌سی مذکور ولایت‌نینگ شهر قوریش ریاستی، قاچقین‌لر و باش‌پناه ایزلاوچی‌لر ریاست‌لرینی اداری بنالری و ایکی فاتحه‌خوانلیک سالون قوریلیش‌لریدن عبارت بولگن.
اوشبو پروژه‌لر 67 میلیون افغانی ارزشی‌گه آچیلیب و فایده‌لنیش‌گه تاپشیریلدی.
بوگون "پنجشنبه" قاچقین‌لر وزیری سیدحسین عالمی بلخی و شهرلرنی قوریش وزیرلیگی اورین باسری‌نینگ پروان ولایتیده باریب ایتیشیچه، مذکور بنالر قاچقین‌لر و شهرلرنی قوریش وزیرلیگی‌گه تیگیشلی بولیب و بیرینچی مرته پروان ولایتیده، ایکینچی واحدلر اوچون بنا قوریله‌دی.
جناب بلخی‌نینگ ایتیشیچه، حاضرگه‌قدر قاچقین‌لر وزیرلیگی‌نی ایکینچی واحدلر اوچون مملکت باشقه ولایت‌لریده هیچ‌بیر بنا قوریلمه‌گن و کیلسی ایکی ییل گه‌قدر بوتون واحدلر گه بنا قوریلیشی ممکن.
شهرلرنی قوریش وزیرلیگی مسووللرینینگ ایتیشیچه، پروان ولایتیده فایده‌لنیش‌گه قوییلگن پروژه‌لر، افغانستان دولتی‌نینگ ثبات‌نی کوچلی قیلیش لایحه‌سی تامانیدن قوریلیب و مذکور پروژه‌لر 67 میلیون افغانی هزینه کوتارگن.
شهرلرنی قوریش وزیرلیگی‌نینگ اورین باسریگه کوره، اوچ مکتب بناسی‌نینگ قوریلیشی، ایشی باشلنگن پروژه‌لرگه شامل دیر و مذکور پروژه‌لرنینگ 100 میلیون افغانی خرجت کوتاریشی ممکن.
