بوگون (دوشنبه) توشدن کیین ساعت 3 ده پروان ولایتی‌نینگ سیاگرد تومنی‌ده روی بیرگن خودکش هجوم نتیجه‌سیده 13 کیشی هلاک بولگن. هلاک بولگن‌لردن 9 کیشی تینچ اهالی و باشقه 4 کیشی محلی پولیس کوچلری بولگن.
پروان پولیس باشلیغی محمدزمان مموزی‌نینگ ایتیشیچه، حادثه‌ده باشقه 18 کیشی هم تن جراحتی آلگن. اونینگ ایتیشیچه، حاضرگه قدر حادثه قنقه‌لیگی معلوم قیلینمه‌گن و حادثه خودکش هجوم بولیشی ممکن.
حاضرگه قدر کیشی یا گروه واقعه مسؤولیتی‌نی قبول قیلمه‌گن.
افغانستان‌ده تینچ‌لیک کیلتیریش اوچون طالب‌لر بیلن یوزمه‌یوز سوزله‌شیش باره‌سیده ایرته کابل‌ده تورت تامانلمه اولتیریش بولیب اوتیش خبرلری ترقه‌تیله باشله‌نیشی بیلن حادثه روی بیرگن.
پروان ولایتی افغانستان تینچ ولایتلریدن بیری بولیب، بو ولایت پایتخت کابل‌دن 64 کیلومتر اوزاغ‌لیکده ایرلشگن و بوییرده طالب‌لرنینگ حضوری جوده آز کورینردی.
