بوگون «سه‌شنبه» پروان ولایتیده مهاجرت‌دن قیتگن، بدرغه و کم‌بغل عایله‌لرگه رواجلنتیریش و آسایشته‌لیک بوییچه خلق ارا خیریه تشکیلاتی تامانیدن یاردم ترقه‌تیش جریانی باشلندی.
مذکور تشکیلات مسووللری نینگ ایتیشیچه، اوشبو یاردم لر چاریکار شهری و بگرام، سیدخیل، جبل السراج و سالنگ تومن لریده اوچ مرحله گه توزیع ایتیله دی.
رواجلنتیریش و آسایشته‌لیک بوییچه خلق ارا خیریه تشکیلاتی نماینده‌سی قاهرالزمان شرافت‌نینگ ایتیشیچه، کیله‌جک‌لرده، سرپرستی بولمه‌گن عیاللر، مسجد، مدرسه و شونینگ‌دیک باله‌لر باغچه‌سی قوریش خصوصیده، همکارلیک قیلیش‌لری ممکن.
اونینگ کوپه‌یتیریشیچه، بو دورده 1500 عایله‌گه همکارلیک قیله‌دیلر و 24 کیلو اون، برنج، یاغ و بوره اوشبو همکارلیک‌لرگه شامل دیر.
عین‌حالده، پروان حاکمی فضل‌الدین عیارنینگ ایتیشیچه، اهالی‌نینگ سونگ ییللرده کورگن زیان‌لری‌گه قره‌گنده اوشبو همکارلیک‌لر ایترلی ایمس دیر.
اوشبو همکارلیک‌لرنی قولگه کیلتیرگن‌لردن بیرقطاری‌نینگ ایتیشیچه، گرچند بو رقم آذقه-اوقات ایترلی ایمس؛ بیراق قطار قیین‌چیلیک‌لرینی حل قیله‌دی.
ایتیلیشیچه، اوشبو یاردم‌لر قاچقین‌لر ریاستی همکارلیگی بیلن توزیع ایتیله‌دی.
اوشبو ریاست مسووللری‌نینگ ایتیشیچه، حاضرده کمیده 30 مینگ عایله مملکت تورلی ولایت‌لریدن پروان ولایتیده آواره بولگن‌لر و جدی یارم‌گه نیازلری بار.
