.jpg)
پایتخت نینگ اون ایکینچی ناحیه سی یشاوچیلری ییرلری تارتیب آلینگن لیگیدن شکایت قیله‌دیلر. اولر، ییرلرینی تارتیب آلگنلرنینگ کوپینچه سی مجلس اعضالری، قوم یاش اولوغلری و حکومت بلند مرتبه‌لی رسمیلری دیگنلر.
پایتخت‌ده ییرنی تارتیب آلیش مسأله سیدن شکایتلر کوپ زماندن بیری بولگنی اوچون مجلس نینگ علاقه‌لر و مخابرات کمیسیونی اهالی قیینچی‌لیگی تیکشیریلیشی باره‌سیده بوگون ییغین اوتکزدیلر.
پایتخت ارزان قیمت منطقه‌سی نینگ یشاوچیلری حکومت‌دن بو قیینچی‌لیک حل ایتیلیش باره‌سیده توجه قیلیشنی ایستیدیلر.
منطقه وکیللریدن بیری ابراهیم نینگ ایتیشیچه، مجلس اعضاسی ملاتره‌خیل نینگ ایناغه‌سی حاجی موسا، اونینگ ییریده کیلتیریب نیچه کانتینر قویگن و بوییرنی تیل تانکی توزه‌ت ماقچی.
.JPG)
ارزان قیمت منطقه‌سی نینگ یشاوچیلریدن باشقه بیری خلیل نینگ ایتیشیچه، ارزان قیمت پروژه‌سی افتتاح بولیشی بیلن بیر قبرستان قوییلگن ایدی، بیراق حاضرگه قدر مذکور قبرستان اوچ مرته مصادره بولگن.
کابل بلدیه‌سی رسمیلری مذکور قیینچی‌لیکنی قبول قیلیب ایتیشیچه، اولرنینگ اونگیده تورگن ییریک معما «زوروانلر بیلن روپه‌ره بولگنلر.»
نماینده‌لر کینگشی نینگ علاقه‌لر و مخابرات کمیسیونی باشلیغی قیس حسن نینگ ایتیشیچه، مذکور کمیسیون اهالی شکایتلرینی بوتونلی تیکشیرگنلر و تیزلیکده اوشبو قیینچی‌لیککه نقطه قویله‌دی.
