پاکستان دولت یوقاری مرتبه‌لی رسمیلری افغانستان حکومتی نینگ مسوول‌لریگه او مملکت‌ده‌گی افغان مهاجرلری حیاتی اچیغ بولمس‌لیگی اوچون ایشانچ بیرگن‌لر. پاکستان رسمیلری افغانستان‌لیک قاچقینلر بو مملکتده قورقمسدن تیریکچیلیک قیلیش لرینی ایتگنلر.
بوندن آلدین بیرلشگن ملت‌لر تشکیلاتی نینگ قاچقینلر مسله سی بوییچه اداره، پاکستان اوتگن بیر آی ایچیده 22 مینگ مهاجرنی تورخم‌دن چیقارگن‌لیگی حقیده خبر بیرگن ایدی. اوشبو اداره پاکستان امنیتی اداره‌لری نینگ مسوول‌لریگه کوره، افغان مهاجرلریگه نسبتن قوپّال یانده شیب اولرنی پاکستان‌نی مجبوری حالتده ترک قیلیش‌گه اولگورگنلر. عین حالده، پاکستانده افغانستان ایلچیلیگی بو توغریده گی موجود قیین چیلیک حل قیلینیشی اوچون خیبر پشتون‌خواه ایالتی نینگ بلند مرتبه‌لی رسمیلری بیلن صحبت قیلگن‌لیگی حقیده خبر بیرگن. مملکت نینگ پاکستان‌ده‌گی ایلچی خانه سی بیر خبرنامه ترقه تیب معلوم قیلیشیچه، جانان موسی زی خیبر پشتون‌خواه ایالتی حکومتی نینگ بلند مرتبه‌لی رسمیلری و تحریک انصاف حزبی نینگ رهبری عمران‌خان بیلن اوچره شیب مسله اوستی‌ده بحث قیلگن.
خیبر پشتون‌خواه ایالتی نینگ رسمی‌لر بو حقیده همکارلیک قیلیش اوچون وعده بیرگن. اوچره شوده عمران خان، خیبر پشتون‌خواه ایالتیده استقامت قیله دیگن افغان مهاجرلری نینگ قیین چیلیگی حل ایتیلیشی گه وعده بیرگن. عمران خان، بو ایالت‌ده حیات کیچیره دیگن افغانستان‌لیک قاچقینلر بیلن علاقه لری آلدینگی دیک یخشی بولگن لیگی‌نی ایتگن. شونینگ دیک عمران خان افغانستان ایلچی خانه سی نینگ رسمیلری بیلن بولگن ملاقاتی‌ده خیبر پشتون‌خواه ایالتی‌ده‌گی افغان مهاجرلریگه قورمسدن تیریک چیلیکلریگه دوام ایتیریش‌لرینی ایتگن.
اسلام آباد ده کابل ایلچلیگی نینگ خبرنامه سیده یازیلیشیچه، پاکستانده افغانستان نینگ ایلچیسی جانان موسی‌زی و تحریک انصاف حزبی نینگ رییسی مذکور ایالت‌ده افغان قاشقین‌لری نینگ قیین چیلیگی برطرف قیلینیشی اوچون قوشمه کمیته ایجاد ایتیلیشی باره سیده کیلیشگن‌لر. بوندن آلدین پاکستان "دن" کونده‌لیگی بو مملکت پولیسی مهاجر لر بیلن قوپال یانده شگنی نتیجه سیده افغانستان‌گه قیتگن مهاجرلر سانی 22 کیشی بولگن‌لیگی حقیده یازگن ایدی. ملی مجلس نینگ کوچیلر و قاچقینلر مساله سی بوییچه کمیسیون رسمیلری، افغان مهاجرلرینی نینگ موجود قیین چیلیک‌لری تیزلیکده حل ایتیلیشی اوچون رسمی اسلام آباد مسوول‌لری بیلن علاقه ده ایکن لیک‌لرینی ایتگنلر.
ملی کینگش کوچیلر، قاچقینلر و بی جا بولگنلر کمیسیونی نینگ باشلیغی محمد یوسف صابرنینگ سلام وطندارگه معلوم قیلیشیچه، پاکستانده افغان قاچقین‌لری‌نینگ موجود مشکل‌لری حل ایتیلیشی اوچون افغانستان حکومتی‌گه ایشانچ بیرگن‌لر. شونینگ دیک جناب صابر: « افغانستان سابق جمهور رییسی حامد کرزی و پاکستان باش وزیری نواز شریف اورته سیده‌گی کیلیشووگه اساسن افغانستان‌لیک مهاجرلر 2015-ییل پایانیگچه او مملکتده استقامت قیلیش حقوقیگه ایگه لر».
عین حالده، بیرلشگن ملت‌لر تشکیلاتی نینگ قاچقینلر ایشلری بوییچه اداره رسمی‌سی ریچارد دازینگر سوزلریگه قره گنده، افغانستان‌لیک مهاجرلر اوتیز ییلدن بیری پاکستانده استقامت قیله دیلر. اولر وطن لریگه قیتریلگن حالده، حیات اوچون هیچ قندی عادی امکانیت‌گه ایگه ایمس‌لر. ریچارد، مهاجرلرگه کومک قیلیش اوچون بیر یریم میلیون اقش دالریگه احتیاج بارلیگی‌نی تیلگه آلگن. پاکستان تشقی ایشلر وزیرلیگی نینگ سوزچی‌سی تسنیم اسلم، فقط بو مملکتده ناقانوی استقامت قیله دیگن مهاجرلر اوشله نیشی نی ایتگن.
حاضرگی کونده افغانستان نینگ اوچ میلیون فقراسی پاکستان حدودیده حیات کیچریب کیلماقده. بو جلمه دن فقط بیر میلیون انسان پاکستانده قانونی حیات کیچیریش حقوقیگه ایگه.
