لوگر ولایتی‌نینگ محلی بلند مرتبه‌لی رسمیلری، پنج‌شنبه کونی مذکور ولایت‌نینگ ارزه تومنی‌ده فوق‌العاعده حالت‌ده قونگن‌لیگی توغریسی‌ده ایتیشلریچه، اوچاق‌ده‌گی یولاوچیی‌لردن بیری پاکستان قوشمه کوچلر مرکزی قوماندانی جنرال راحیل شریف‌نینگ کیاوی کرنل صفدر بولگن.
شونینگ‌دیک ولایت رسمیلری، اوچاقده یوزمینگلب دالر و کلدار، ایکی ته کلاشینکوف، اوچ ته بیسیم و بیرته جی چی اس تاپیلگن لیگینی تیلگه آلگن‌لر.
لوگر ولایتی ولایت کینگشی‌نینگ سابق باشلیغی عبدالولی وکیلی‌نینگ سلام‌وطندارگه ایتیشیچه، اوشبو اوچاقده هیچ قنده‌ی تخنیکی قیین چیلیگی بولمه پیلوتلر اوز ایسته‌گی اساسی‌ده بو منطقه‌گه قوگن.
اوشبو ولایت کینگش اعضاسی‌گه کوره، مذکور اوچاقده بولگن کیشی‌لر یانیده چیققن رویخط‌ده مملکت یوقاری مرتبه‌لی رسمیلری‌نینگ اسمی یازیلگن.
عدالولی وکیل نینگ معلوماتی گه کوره، پاکستان حکومتی حبس‌گه آلینگن‌لر آزاد ایتیلیشی اوچون سعی و حرکت باشله‌گن.
اوشبو اوچاق‌نینگ نیمه اوچون قونگن لیگی توغریسی‌ده هنوزگچه تفصیلات بیریلمه‌گن.
حادثه‌نی تصدیق ایتگن ازره تومنی‌نینگ حاکمی حیمدالله حمید نینگ سوزلریگه قره گنده، قوراللی طالب‌لر قولیگه توشگن اوچاق نینگ یولاوچیلرینی نا معلوم ییرگه آلیب کیتگن.
عین حالده، افغانستان حکومتی‌نینگ بلند مرتبه‌لی رسمیلری، اوشبو اوچاق مملکت حربی لری هماهنگ‌لیگی بیلن افغانستان توپراغی‌گه اوتگن لیگینی معلوم قیلگن‌لر.
