پاکستان حربیلری 10 ییل‌دن بویان افغانستان نینگ نیچه ولایتی جمله‌دن کنر اوستیگه موشک آته‌دیلر. حکومت ایریم پیت‌لر بو موشک‌لرگه جواب بیرگن، بیراق حاضرگه‌قدر بو هجوملرگه بوتونله‌ی توسیق بوله آلمه‌گن.
کنر حاکمی عبدالستار میرزاکوال نینگ ایتیشیچه، اوتگن اوچ کونده پاکستان حربیلری کنر ولایتی نینگ شلتن، دانگام و ناری تومنلری اوستیگه 700 دن آرتیق موشک آتیشگن.
اونگه کوره، اوشبو موشک‌لر نتیجه‌سیده شلتن، دانگام و ناری تومنلری یشاوچیلریدن بیرقطاری نینگ اویلری زیان کورگن.
بوندن آلدین، پاکستان حربیلری تامانیدن آتیلگن موشک‌لر نتیجه‌سیده کنرده مینگ‌لرچه عایله بدرغه بولگن ایدی.
کنر ولایت کینگشی اعضاسی جمال‌الدین سیارنینگ ایتیشیچه، پاکستان بو هجوملردن قول تارتمه‌گن صورتده، اولر امنیتی کوچلرنینگ یانیده توریب بو هجوملرگه جواب بیره‌دی.
کنر ولایتی نینگ شلتن و اسمار تومنلری یشاوچیلری نینگ ایتیشیچه، گرچند بو موشک‌لر حاضرگه‌قدر جانی تلفات ییتکیزمه‌گن، بیراق دوام ایتگن صورتده، جانی تلفات بیریشی ممکن.
کنرده دین عالم لریدن بیری یار مولاخان، بو هجوملرنی قاره‌لب ایتیشیچه، پاکستان، افغانستان خلقی بیلن دوشمن‌لیک‌که دوام بیره‌دی.
پاکستان حربیلری نینگ ادعا قیلیشیچه، افغانستاندن پاکستان گه کیره‌دیگن قوراللی کیشی‌لرنی نشانگه آله‌دیلر. بیراق بو ادعا محلی رسمی‌لر تامانیدن رد ایتیلگن.
