پاکستان حکومتی نینگ بلند مرتبه‌لی رسمیلری، قوراللی طالبلرنینگ اوچ بلند مرتبه‌لی رسمی حبس‌گه آلینگن‌لیگینی تصدیق ایتگنلر. طالبلر یوقاری مرتبه‌لی رسمیلری نینگ حبس‌گه آلینیشی اوتگن کون (چهارشنبه) بو حرکت منبعی تامانیدن نشر بولدی.
طالبلرنینگ مالی مسوولی ملاعبدالصمد ثانی، دایکندی تومنی اوچون حرکت‌نینگ سابق ولسوالی سلیمان آغا و طالبلر عالی محکمه‌سی‌نینگ باشلیغی ملا عبدالله نانی پاکستان حربیلر تامانیدن حبس‌گه آلینگن.
پاکستان بلوچستان ایالتی نینگ ایچکی ایشلر زویری سرفراز بُگتی نینگ سلام‌وطندارگه ایتیشیچه، بو مملکت‌نینگ استخبارات اداره‌سی قوراللی طالبلرنینگ اوچ بلند مرتبه‌لی رسمیسی حبس‌گه آلینگن لیگینی معلوم قیلگن. بو لر تینچلیک مذاکرهسیگه کیریش‌ده ملاهیبت الله گه مخالفت کورستگنی سبب قماققه آلینگن.
پاکستان بلوچستان ایالتی ایچکی ایشلر زویری نینگ بو قبیل ادعالرنی رد قیلگن بیر قنچه سیاسی تحلیلچیلر، طالبلر حرکتی نینگ اعضالریدن هر بیری افغاسنتان حکومتی بیلن علاقه قورگنده یا-ده تینچلیک مذاکره‌گه اولتیریش اوچون رغبت کورستگن پیت آی اس آی تامانیدن حبس‌گه آلینگنلر دیگنلر.
سیاسی تحلیلچی کابل‌خان تدبیر، پاکستان حکومتی طالبلرنینگ فقط اوچ بلند مرتبه‌لی رسمیسی‌نی حبس‌گه آلمه‌گن، بلکه بو حرکت‌گه تیگیلشی بیر قنچه کیشیلر کویته نینگ ایریم منطقه‌لریده قولگه آلینگنلر دیدی.
اونینگ سوزلریگه قره‌گنده، پاکستان حکومتی قوراللی طالبلرنینگ بعضی بلند مرتبه‌لی رسمیلری بو مملکت مسووللرینی جریانگه قویمسدن افغانستان یا-ده باشقه مملکت رسمیلری بیلن علاقه قوریش‌گه اولگورگن پیتده حبس‌گه آلینه‌دی.
پاکستان جاسوسلیک اداره‌سی طالبان حرکتی نینگ اوچ بلند مرتبه‌لی رسمیسی‌نی ملاهیبت الله بیلن مخالف قیلیب ملا رسول‌دن آرقه‌داشلیک قیلگن لیکده عیبلب حبس‌گه آلگن دیدی سیاسی تحلیلچی فاروق بشر.
جناب بشر، ملا هیبت‌الله آی اس آی اشاره‌سی اساسیده عمل قیله‌دی دیگن. لیکن، ملا رسول ایسه پاکستان مخالفی دیدی تحلیلچی.
طالبان حرکتی نینگ رهبری ملا هیب‌الله بیر هیات رهبرلیگیده روسیه گه سفر قیلگن‌لیگی توغریسیده گزارشلر نشر بولگن بیر پیتده قوراللی طالبلرنینگ اوچ بلند مرتبه‌لی مسووللی پاکستان حکومتی تامانیدن حبس‌گه آلینماقده.
ساحه نینگ متخصصلری، حاضرگی شرایط‌گه قره‌گنده قوراللی طالبلر هم روسیه کبی قدرتلی بیر حمایتچی تاپیش اوچون سعی و حرکت باشله‌گنلر.
