پاکستان حکومتی نینگ بلندمرتبه‌لی رسمی‌لری نینگ ایتیشیچه، مملکتی وضعیت یامان بولگن و بو وضعیت‌دن چیقیش اوچون بیرقطار مملکت‌لرنینگ علاقه‌سی و یاردمی‌گه احتیاج لری بار.
پاکستان باش وزیری نینگ امنیتی و تشقی ایشلر بوییچه ییریک مصلحتچی‌سی سرتاج عزیز، بومطلب نی 4- جوزا اسلام آباد ده اوتکزیلگن ییغین‌ده بیان ایتکن.
جناب عزیز نینگ ایتیشیچه، پاکستان، افغانستان گه بیرگن وعده لریگه صادق دیر و بو مملکت گه هرتامانلمه یاردم بیریش اوچون کوره شه‌دی.
اونینگ ایکّی مملکت علاقه‌سی توغری‌سیده ایتیشیچه، پاکستان بیلن افغانستان علاقه‌سی نینگ ینگی فصلی باشلنگن.
باش وزیرنینگ ییریک مصلحتچی‌سی گه کوره، افغانستان رابطه‌سی ایکی مملکت قوشنی بولگنی اوچون ایمس بلکیم کابل- اسلام آباد منطقه ده ینگی اوزگریشلرگه روپه‌ره بولگنی سبب دیر.
جناب عزیز شونینگ‌دیک مذکور اولتیریشده پاکستان نینگ باش وزیری و حربی‌سی نینگ باشلیغی حضوریده، افغانستان دشمنی پاکستان دشمنی دییه تیل‌گه آلگن.
پاکستان نینگ اوشبو ییریک رسمی‌سی‌گه کوره، اولر افغانستان گه هر تامانلمه یاردم بیریب و مذکور مملکت اوچون فایده‌لی بولگن علاقه‌لرینی سقلش خصوصیده سعی و حرکت قیله‌دی.
پاکستان حاضرگی کونلرده افغانستان‌گه صداقت بیلن یاردم بیریش‌نی ایتگن. اما، افغانستان‌لیک سیاستچی‌لر پاکستان همکارلیک قیلیش اوچون عملده هیچ قنده‌ی یاردم بیرمه‌گن لیگی‌نی ایتگن‌لر.
پاکستان‌ده حربی لر اداره‌سیده گی مکتب اوستیگه اویوشتیریلگن تروریستی هجوم دن کیین، افغانستان و پاکستان رسمی‌لری نینگ ایکی مملکت دن تیز – تیز کیلیب کیتیشلریگه سبب بولدی.
رسمی کابل و اسلام آباد بلند مرتبهلی رسمیلری‌نینگ بولگن تیز – تیز سفرلریده ترورچیلیک مساله‌سی جدی محاکمه ایتیلگنی ایتیله‌دی.
شونینگ‌دیک جمهور رییس غنی پاکستان‌گه قیلگن سفرلریده مذکور مملکت سیاسی و امنیتی رسمی‌لری بیلن اوچره شیب دالضرب مساله‌لرنی محاکمه قیلگن ایدی.
افغانستان جمهور رییسی جناب غنی سفرده پاکستان رسمیلریگه منطقه ده ترورچیلیککه جدی مبارزه قیلینیشی باره‌سیده تاکیدله‌گن ایدی.
پاکستان عاموی اخبارات واسطهلری نینگ مذکور مملکت بلند مرتبهلی رسمیلریگه اساسلب یازیشیچه، پاکستان، طالب‌لرنی اوروش‌دن قول تارتیش‌لری خصوصیده آگاه لنتیرگن.
منبع گه کوره، طالبلر اوروش‌دن قول تارتمه‌گن صورتده پاکستان و افغانستان کوچ‌لری قرشی لیگی‌گه روپه‌ره بوله‌دی.
