د پاکستان د سرحدي او قبایلو چارو وزارت او د «نادرا» ترمنځ هوکړهلیک لاسلیک شو، چې له مخې به یې په پاکستان کې یو میلیون غیرقانوني کډوال راجسټر شي.
د پاکستان د سرحدونو او قبایلي چارو وزیر عبدالقدیر بلوچ پاکستانیو رسنیو ته ویلي، بېاسنادو افغان کډوالو ته ۶ میاشتې وخت ورکوي، چې د پاکستان حکومت لهخوا برابرېدونکیو ۵۰ مرکزونو کې ځانونه ثبت کړي.
د نوموړي پر وینا، پولیسو ته یې ویلي، چې پاکستان کې قانوني کډوال تنګ نهکړي؛ خو د هغو کډوالو د ځورولو او ورسره د قانوني لارو ـ چارو واک لري، چې قانوني اسناد ونهلري.
بلوچ همدارنګه ویلي، د غیرقانوني کډوالو د نوم لیکنې بهیر له افغان حکومت سره په همغږۍ کوي او د پاکستان په «نادرا» هر دفتر کې به د ناقانونه افغان کډوالو د پېژندنې لهپاره یو افغان څارونکی موجود وي.
تېر کال د پاکستانيو پولیسو د بېلابېلو ځورونو په پایله کې ۲ سوه زره افغان کډوال افغانستان ته راستانه شول.
