کابل ترافیک ریاستی رسمیلری‌نینگ ایتیشیچه، پاکستان‌لیک موترلرنی توپلش ایشی باشلندی و یخشی صورتده عمل گه آشیریلماقده.
سلام‌وطندارگه صحبت بیرگن کابل ترافیک مدیری سید‌محبوب‌نینگ ایتیشیچه، قویاش 1391 ییل‌ده وزیرلر کینگشی‌نینگ کیلیشووی اساسیده، پاکستان‌لیک موترلرنینگ هیداوچیلیک جوازی 5 ییل قیته تیکلنگن، بیراق حاضرده بو زمان یکونلنگن و اوشبو موترلر گمرک‌که انتقال بیریله‌دی.
جناب محبوب‌نینگ ایتیشیچه، مملکت‌نینگ بوتون ولایت‌لریده پاکستان‌لیک موترلر توپلنه‌دی و اوندن سونگ پارچه‌له‌نیب ایگه‌لریگه تاپشیریله‌دی.
کابل گمرک باشلیغی ارشاد پوپل‌نینگ ایتیشیچه، پاکستان‌لیک موترلرنی توپلش ایشی 1 ثور ده باشلنگن و بو ایش‌نینگ دوامی بار.
پاکستان‌لیک موترلر افغانستان‌نینگ بوتون شهرلریگه باریب کیله‌دی و بیرقطار کیشی‌لرنینگ ایشانچ‌لریگه کوره، اوشبو موترلر ترافیکی واقعه‌لر یوز بیریشی گه سبب بوله‌دی.
