پاکستان‌لیک طالب‌لر بیر خبرنامه ترقه‌تیب، افغانستان دین عالملر کینگشی‌نینگ پاکستان دولتی برابریده جهاد اعلان قیلگن‌لیک فتواسی‌دن کیسکین حمایت بیلدیرگن. اوتگن پنج‌شنبه افغانستان دین عالملر کینگشی مملکت‌ده‌گی نا برقرارلیک‌لرنینگ اصلی عاملی پاکستان ایکن‌لیگینی ایتیب، بو مملکت مقابلی‌ده جهاد «فرض عین» دیگن ایدی‌لر.
پاکستان‌لیک طالب‌لرنینگ بیر شاخه‌سی بولمیش جماعت احرار حرکتی سوزلاووچی‌سی احسان‌الله احسان نینگ مدیاگه بیر خبرنامه یوللب « جماعت احرار دین عالم‌لری و قبایلی منطقه‌لرنینگ بوتون دین عالم‌لری مذکور فتوانی تصدیق لب، بو یولده کامیاب بولیشیمیز اوچون ایشانچی‌میز کامل» دییه سوز بیرگن.
احسان، افغانستان دین عالملر کینگشی‌نینگ پاکستان اوچون صادر قیلگن فتواسی‌نی «یخشی عمل» و «حق یولی» دیب، اوشبو تدبیرنی جماعت احرار خوش قرشی‌لیدی دییه اظهار قیلگن.
خبرنامه‌ده پاکستان ملی اردوسی‌نینگ ایشی اولدیریش، قول‌گه آلیش و گناه‌سیز مسلمانلرنی زورلش دییه بیلدیریلگن.
پاکستان‌لیک مذکور طالب‌لر سوزلاووچی‌سی‌گه کوره، پاکستان حکومتی‌گه قرشی جهاد اعلان قیلیش‌دن بولک یول یوق.
اوتگن پنج‌شنبه افغانستان دین عالملر کینگشی مملکت‌ده‌گی نا برقرارلیک‌لرنینگ اصلی عاملی پاکستان ایکن‌لیگینی ایتیب، بو مملکت مقابلی‌ده جهاد «فرض عین» دیگن ایدی‌لر.
کابل‌نینگ شاه شهید منطقهسیده ییریک ییغین اوتکزگن دین عالم‌لری، پاکستان حکومتی‌نینگ اسلام‌گه ضد فعالیت قیله‌یاتگن‌لیککه عیبله‌گن‌لر. شاه شهید حادثه‌سی‌گه اشاره قیلگن دین عالم‌لری افغانستان‌ده عمل‌گه آشیریله دیگن خودکش هجوم‌لر پاکستان جاسوسلیک اداره‌سی همده بو مملکت حربی‌لری‌نینگ قولی بارلیگینی ایتگن‌لر.
اوتگن هفته کابل‌نینگ شاه شهید منطقهسیده تون نینگ یریمی‌ده اهالی اویقوده بولگن حالده صادر ایتیلگن خودکش هجوم‌ده 20 کیشی قربان بولیب، 400 انسان یره‌لندی.
عین حالده، اوشه کون‌نینگ اوزیده پولیس حربی مرکزی کیریش ایشیگی‌ده عمل‌گه آشیریلگن خودکش هجوم‌ده 4 حربی اولیب یره‌لگن ایدی.
ملی خوفسیزلیک اداره‌سی شاه‌شهید واقعه‌سی پاکستان آرقه‌لی عمل‌گه آشیریلگن‌لیگینی معلوم قیلیب، طالب‌لر افغانستان‌ده پاکستان آلیب باره دیگن نیابتی اوروش اوچون وسیله ایکن لیک‌لرینی بیلدیردی.
کابل‌ده صادر ایتیگن خودکش هجوم‌لر افغانستان ملی بیرلیک حکومتی‌نینگ باشلیغ‌لری تامانیدن هم جدی عکس‌العمل‌گه روپه ره بولدی. حکومت رسمی‌لری هم مساله اوچون پاکستان‌نی عیب‌لب چیقدی‌لر.
شونینگ‌دیک جمهور رییس محمداشرف‌غنی افغانستان‌ده ترورچی‌لیک هجوملرنی عمل‌گه آشیره دیگن‌لر برچه‌سی پاکستان‌ده تعلیم کوریش‌لری باره‌سی‌ده تاکیدله‌دی.
اشرف‌غنی حکومت بوندن آرتیق تینچ اهالی اولدیریلیشی‌نی چیده آلمس لیگینی ایتیب، پاکستان‌نینگ کیلگوسی هفته‌لرده آله دیگن قراری، رسمی کابل – سلام آباد علاقه‌لرینی بیلگی‌لیدی دیگن.
افغانستان دین عالملر کینگشی پاکستان برابریده جهاد قیلیش نی، بوندن نیچه مرته آلدین پاکستان‌لیک دین عالملر افغانستان‌ده جهاد قیلیش روا ایکن لیگی توغریسی‌ده فتوا بیرگن بیر چاغده صادر قیلگن. بو بیرینچی مرته افغانستان دین عالم‌لری پاکستان حکومتی‌گه بونده‌ی جدی عکس‌العمل بیلدیره‌دی.
