پاکستان خبرچی‌لریدن بیرقطاری‌نینگ یازیشیچه، اسلام‌آباد، افغانستان حکومتی و طالب‌لر اورته‌سیده اوتکزیله‌دیگن تینچ‌لیک مذاکره ده اشتراک ایتیش فرصت‌نی قولدن بیرمس لیگی لازم. اوشبو خبرچیلرگه کوره، پاکستان ییل‌لر دوامی‌ده افغانستان رسمیلری ایشانچی‌نی جلب ایتکن و بو فرصت‌دن منطقه‌ده برقرارلیگی و تینچ‌لیک مستحکم‌لنیشی اوچون ایش‌آلیشی کیره‌ک.
پاکستان خبرچی‌لریدن بیری شمیم شاهد‌نینگ سلام وطندارگه ایتیشیچه، پاکستان قورال‌لی طالب‌لرنی مذاکره‌گه حاضرلش‌گه قادر بولمه‌گن صورتده، جدی تنقیدلر و باسیم‌لرگه روپه‌ره بولیشی ممکن.
پاکستان خبرچی‌لریدن باشقه بیری عقیل یوسفزی‌نینگ ایتیشیچه، بو سوزلشوولر ینه اوچ آی‌گچه آرتده قالگن. جناب یوسفزی، طالب‌لر ینگی رهبری اوز کوچینی بیلدیریش اوچون افغانستان‌ده هجوم‌نی شدت لنتیریشی اوچون ایشانچ بیلدیرگن.
افغانستان حکومتی و طالب‌لر اورته‌سیده اوتکزیله‌دیگن رسمی تینچ‌لیک مذاکره ایکینچی دوری جمعه کون 9- اسد ده اوتکزیلیشی ایتیلگن ایدی؛ بیراق بو اولتیریش پاکستان تشقی ایشلر وزیرلیگی تامانیدن ملا عمر اولیمی اعلان بولیشی و طالب‌لرنینگ بلند مرتبه‌لی رسمیلری ایسته‌گی بیلن نامعلوم پیت‌گچه آرتده قالدیریلدی.
پاکستان تشقی ایشلر وزیرلیگی تامانیدن ایکینچی‌دور مذاکره آرتده قالدیریلیشی، بو مذاکره‌نی آلغه آلیب باریش‌ده پاکستان صداقتی توغری‌سیده ایش بیلرمانلر ایچیده شک و شبهه توغدیرگن. اوشبو ایش بیلرمان‌لرنینگ شبهه لریدن بیری، طالب‌لرنینگ نیچه تامانلمه بولیشی‌گه پاکستان سعی وحرکت سبب بولگن. اولرنینگ ایشانچی‌گه کوره، پاکستان طالب‌لرنینگ نیچه گروه‌گه بولیب و بو جریان‌دن کوپراق امتیاز آلیش‌نی ایسته‌یدی.
بیراق مملکت حربی ایش بیلرمان‌لریدن بیری جاوید کوهستانی‌نینگ ایتیشیچه، پاکستان تینچ‌لیک مذاکره توغری‌سیده طالب‌لرنینگ دقیق آدرسی‌نی بیللی قیلیب و مذکور گروه رهبری اولیمی اوستی‌دن پرده کوتارگن.
عین حالده، اسمی فاش ایتیلیشی‌نی ایستمه‌گن پاکستان ییریک رسمی‌لریدن بیری‌نینگ ایتیشیچه، اسلام‌آباد طالب‌لر ینگی رهبری‌نی تینچ‌لیک مذاکره‌نی قیته باشلش‌گه ترغیب ایتماقده.
عینحالده، ملا اختر محمد منصور طالب‌لر رهبری صفتیده ترقتگن بیرینچی پیامی‌ده تینچ‌لیک مذاکره دشمن تبلیغاتی دییه تیلگه آلیب، طالب‌لرنی افغانستان دولتی‌گه قرشی هجوم‌لری‌نی دوام بیریش‌گه بویروغ بیردی.
