پاکستان‌نینگ بیشاور شهریده‌گی کارخانه یقین‌ده‌گی پولیس بیکتی قرشیسی‌ده یوز بیرگن پارتلش نتیجه‌سیده 10 کیشی حیات‌دن کوز یومیب، 20 کیشی تن‌جراحتی آلگن.
قربان بولگن‌لرنینگ نیچه نفری پولیس کوچلری ایکنی هنوزگچه معلوم ایمس.
پاکستان قوتقرو گروهی‌نینگ رسمیلرگه کوره، واقعه‌ده قربان بولگن حربی‌لر برچه‌سی خیبر اجنسی گروهی‌گه قره‌شلی بولگن. پاکستان دان کونده‌لیگی‌نینگ یازیشیچه، پارتلش مسوولیتی‌نی پاکستان‌لیک قورال‌لی طالب‌لرنینگ (ت ت پ) گروهی اوز ذمه‌سی‌گه آلگن.
هجومده خیبر اجنسی گروهی‌نینگ بلند مرتبه‌لی رسملریدن بیری نواب‌شاه افریدی، بیر باله و نیچه حربی عالمدن اوتگن. شونینگ‌دیک قربان‌لر ایچی‌ده محلی بیر خبرچی بارلیگی هم ایتیله‌دی.
ایریم رسانه‌لر، حادثه اورنه‌تیلگن بامبه پارتلشی نتیجه‌سیده یوزبیرگن دیگن‌لر. لیکن بعضی مدیا ایسه واقعه خودکش هجوم آرقه‌لی عمل‌گه آشیریلگن دیگن.
ایتیلیشیچه، حادثه‌ده تن جراحتی آلگن‌لر برچه‌سی پیشاورنینگ حیات آباد شفاخانه‌سی‌گه ییتکزیلگن.
پشتون‌خواه ایالتی قوماندانی، پاکستان ایچکی ایش‌لر وزیری، عمران خان و باشقه قطار سیاستچی‌لر واقعه‌نی قاره‌لب، بو واقعه جدی شکل‌ده تیکشیریلیشی باره‌سی‌ده تاکیدله‌گن‌لر
