پاکستان سند ایالتی نینگ «لال شهباز قنلدر» زیارتیده اویوشتیریلگن هجومده 70 انسان قربان بولیب چمهسی 300 نفر آغیر- یینگیل یرهلگندن سونگ اسلام آباد ملی کوچلری او مملکتدهگی افغانستان ایلچیلیگی مسووللرینی چقیرگن.
اما پاکستانلیک بعضی بیر سیاسی تحلیلچیلر ملی اردو بو قیلمیشینی تنقید آستیگه آلیب، افغانستانلیک دیپلوماتلر پاکستان ملی کوچلری آرقهلی چقیریلیشی غیر اخلاقی ینه دیپلوماتیک قدریتلریگه ضد دیگنلر.
سلاموطندارگه صحبت بیرگن کوندهلیک یازووچی همده استاد علی عمرانخان نینگ سوزلریگه کوره، افغانستانلیک دیپلماتلر بیلن بوندهی یاندهشیلمس لیگی لازم ایمس ایدی.
باشقه بیر سیاسی تحلیلچی عبدالله ملک، افغانستانلیک دیپلوماتلر پاکستان ملی کوچلر تامانیدن چقیریلیشی رسمی کابل – اسلام آباد منسابتلریگه سلبی تاثیر قالدیره دی دیگن. اونینگ فکریگه کوره، سیاسی قیین چیلیکلرنی حل قیلیش تشقی ایشلر وزیرلیگی نینگ مسوولیتی حسابلنهدی.
پاکستان سونگی کونلرده بیر نیچه خودکش ینه انتحاری هجوملر گواهی بولدی. بو هجوملرده کمیده 100 انسان حیاتدن کوز یومیب اونلب کیشی ایسه یرهلندی. بو واقعهلردن کیین پاکستان تورخم و چمن چیگرهسینی افغانلر یوزیگه یاپیب قویدی.
