پاکستانلیک عسکر طاهر دوورنینگ جسدی، ایکی کون آلدین ننگرهارنینگ مومنددره‌سیدن کشف بولیب و اوتگن‌کون «پنج‌شنبه» خیبرپشتون‌خواه قوم بویوکلری گه تاپشیریلدی. مذکور عسکر ایکی هفته آلدین اسلام آباد شهریدن یوقالگن ایدی.
طاهر دوور پاکستان حکومتی تامانیدن، اوشبو مملکت چیگره یشاوچیلری‌نینگ سونگی اعتراضی‌گه همکارلیک بیریش‌گه عیبلنگن ایدی.
اوتگن کون«پنج‌شنبه» ایرته‌لب پاکستان چیگره منطقه لروبر یشاوچیلری ننگرهار ولایتیده بیر ییغین یولگه قوییب، مذکور عسکرنینگ جسدی اولرگه تاپشیریلیشی نی سوره‌گنلر. لروبر قوم بویوک‌لری‌نینگ ایتیشیچه، مذکور عسکر پاکستان‌نینگ استخباراتی سازمانی تامانیدن اولدیریلگن و بو سازمان اعضالری اونینگ جسدی‌نی افغانستان‌ده انتقال بیرگن.
خیبرپشتون‌خواه قومی بویوک‌لریدن امتیاز وزیرنینگ ایتیشیچه، طاهر دوورنینگ جسدی افغانستان‌ده انتقال بیریلیشی‌دن هدف، چیگره‌نینگ ایکی تامانیده بولگن یشاوچیلر آره‌سیده نفاق تشلش دیر.
افغانستان نماینده‌لر کینگشی اعضاسی فریدون مومندنینگ ایتیشیچه، اوشبو پاکستانلیک عسکرنینگ جسدی امنیتی بیر پوسته‌نینگ یقینلیگیدن تاپیلگن و بو توغریده آرتیق معلومات یوق دیر.
اوشبو ییغین‌ده ننگرهار حاکمی حیات‌الله حیات‌نینگ ایتیشیچه، بو قضیه توغریسیده تدقیقات‌لر باشلنگن و معلومات‌لر میدیالر بیلن شریک قیلینه‌دی.
مذکور پاکستانلیک عسکرنینگ کییمی‌دن بیر نامه تاپیلگن، بیراق مسئولر نامه‌نینگ محتواسی توغریسیده هیچ بیرنرسه دیمه‌گن.
نیچه پیت‌آلدین پاکستان حکومتی طاهر دوور تیریک بولیب و اسلام‌آباد ده یششی نی اعلام قیلگن ایدی.
خیبرپشتون‌خواه اعتراضی حرکتی نی رهبری منظور پشتین، فیسبوک صحیفه‌سیده یازیشیچه، قولگه کیلگن معلومات‌لرگه کوره، افغانستان حکومتی مذکور عسکرنینگ هلاک ایتیلشی توغریسده قولی بولمه‌گن.
اعتراضی حرکت اوتگن ییل کراچی شهریده بیر ییگیت مملکت پولیسی تامانیدن اوققه تارتیلگندن سونگ پاکستان‌ده ایجاد بولدی.
