.jpg)
پاکستان کیله‌جک بیر آی‌گچه افغانستان مهاجرلریدن بیر یریم میلیونی‌نی چیقاریش‌گه قرار قیلگن.
اوشبو مملکت‌نینگ مرکزی کابینه‌سی، سونگی ییغینیده افغانستان مهاجرلری‌نینگ حجت‌لری باشقه بیر آی اوچون قیته تیکله‌نیشی‌گه قرار قیلگن و اوشبو آی باشله‌نیشیدن یکونلنگونگچه، بو مهاجرلر افغانستان‌گه قیتیش‌لری کیره‌ک.
سلام وطندارگه صحبت بیرگن افغانستان مهاجرلر و باشقه پناه ایزلاوچیلر وزیرلیگی نینگ مطبوعاتی مصلحتچیسی حفیظ‌الله میاخیل‌نینگ ایتیشیچه، اوتگن آی افغانستان و پاکستان مهاجرلر وزیرلری و مهاجرلر اوچون بیرلشگن ملت‌لر تکشیلاتی‌نینگ خاص نماینده‌لری آره‌سیده یولگه قوییلگن اوچ تامانلمه ییغینیده، مهاجرلر میلادی 2018- ییل‌نی اداغیگچه چیقاریلمه‌سی اوچون بیر کیلیشووگه قول قوییلگن. بیراق جناب میاخیل‌گه کوره، اوشبو ییغینده پاکستان نماینده‌لری موضوع‌نی کابینه بیلن شریک قیلیش‌لرینی ایتگن ایدی و شونینگ‌دیک، کابینه قراری اوتگن کون اعلان ایتیلدی.
مهاجرلر وزیرلیگی مطبوعاتی مصلحتچیسی‌نینگ ایتیشیچه، پاکستان‌نینگ بو حرکتی خلق ارا اصولی‌گه قرشی دیر و بو مملکت بونده‌ی بیر تامانلمه قرار قیله آلمه‌یدی.
میاخیل‌گه کوره، بو حرکت‌نی سیاسی تامانی بار، اوتگن ییل اسلام‌آباد ییغینیده مهاجرلر موضوعی هیچ قچان سیاسی بولمه‌سی توغریسیده سوز بیریلگن. اونینگ ایتیشیچه، تیزلیک‌ده افغانستان سیاسی نماینده‌لری مهاجرلر چیقاریلمه‌سی اوچون ایش‌گه کیریشی ممکن.
مهاجرلر وزیرلیگی رسمی لری‌نینگ افغانستان مهاجرلری مملکت‌گه قیتیش‌لری لازم، بیراق بو لایحه باسقیچ‌ده بولیشی کیره‌ک.
بو توغریده مهاجرلر اوچون بیرلشگن ملت‌لر تشکیلاتی عالی کمیشنری‌نینگ فکرینی اورگه‌نیش اوچون علاقه قوردیک، بیراق مؤفق بولمه‌دیک.
.jpg)
افغانستان مهاجرلر رهبرلیک کینگشی اعضاسی ملک‌محمدخان‌نینگ ایتیشیچه، پاکستان‌نینگ بو قراری مهاجرلرنی خواطرگه سالگن. اونینگ ایتیشیچه، بو موضوع‌نی بیرلشگن ملت‌لر تشکیلاتی‌نینگ مسؤوللری‌گه ییکزیش اوچون سعی و حرکت قیله‌دی. جناب محمدخان‌نینگ ایتیشیچه، پاکستان رسمی‌لری بیلن اوچره‌شگنیدن بو قرار کابینه‌نینگ سونگی ییغین‌لریده تیکشیریلیشی ایتیلگن.
عین حالده، افغانستان بوییچه پاکستان‌نینگ سابق ایلچیسی رستم‌شاه مومندنینگ سلام‌وطندارگه ایتیشیچه، پاکستان‌نینگ بو قراری سیاسی بولگن و بو موضوع اسلام‌آباد توغریسیده دونالد ترامپ‌نینگ سونگی بیاناتی‌گه باغلیق دیر. جناب مومندنینگ ایتیشیچه، بو قرارده اسلام‌آبادنینگ اوزی کوپراق زیان کوره‌دی.
اونینگ کوپه‌یتیریشیچه، اسلام‌آباد مهاجرلرنی چیقاریب و انسان حقوقی موضوعی‌نی سیاسی‌گه اوزگرتیریب قصد آلماق اورنیده قیین‌چیلیگی‌نی ترامپ‌نینگ حکومتی بیلن حل قیلیشی کیره‌ک.
نیچه کون آلدین، امریکا جمهور رییسی دونالد ترامپ، ینگی میلادی 2018- ییل‌نینگ بیرینچی کونیده اوز تویتر صحیفه‌سیده یازگن بیرینچی پیامی‌ده پاکستان‌نی یلغان‌چیلیک‌که عیب‌لب ایتیشیچه، بو مملکت امریکانینگ میلیاردلرچه دالر یاردمی بدلی‌ده الداوچیلیک و یلغان‌چیلیک‌دن باشقه هیچ نرسه قیلمه‌گن.
امریکا جمهور رییسی‌نینگ یازیشیچه، مملکتی حقیقت‌نی کورمس‌دن اوتگن 15 ییل‌ده پاکستان‌گه 33 میلیارد دالردن آرتیق پول یاردم بیرگن، بیراق بو مملکت امریکاگه الداوچیلیک و یلغان‌چیلیک‌دن باشقه هیچ نرسه بیرمه‌ی و امریکا رهبرلرینی اخماق قیلگن. جناب ترامپ‌نینگ ایتیشیچه، افغانستانده امریکا تامانیدن نشانگه آلینه‌دیگن ترورچیلرگه پاکستان باش پناه بیرگن.
امریکانینگ بیرینچی آدمی تامانیدن پاکستان برابریده بیلدیریلگن بونده‌ی عکس‌العمل تکرارسیز ایدی. اوشبو بیانات سبب، واشینگتن ایلچیسی اسلام‌آباد تامانیدن احضار ایتیلدی و شونینگ‌دیک، پاکستان تشقی ایشلر وزیری خواجه محمد آصف‌نینگ ایتیشیچه، «ترامپ‌نینگ جوابی‌نی بیره‌میز، لیکن اجتماعی ترماقلرده ایمس.»
