ناکام حربیلرنی ایلچی صفتیده تعیین ایتیش مملکت دیپلوماسی تیزیمیگه زیان ییتکیزهدی.
نمایندهلر مجلسی و خوفسیزلیک و برقرارلیک کینگشی نینگ اعضالریدن بیرقطاری، سابق مدافعه وزیری عبدالله حبیبی و ملی مرکزی باشلیغی قدم شاه شهیم نینگ ایلچی صفتیده تعیین ایتیش تخصص ایمس؛ مصلحتی دیگنلر.
اولرنینگ ایتیشیچه، بوندهی تعیین ایتیشلر، دیپلوماتلرنینگ ایشی اوستیگه سلبی تأثیر تشلهیدی و مملکت دیپلوماسی تیزیمیگه جدی زیان ییتکیزهدی.
بیراق، اجراییه ریاستی، عبدالله حبیبی و قدم شاه شهیم ایلچی خانهلرنی رهبرلیک قیله آله دیلر دیگن.
بلخ ولایتیده شاهین 209 قول اردوده یوز بیرگن واقعه ده یوزدن آرتیق حربی هلاک ایتیلدی و اونلب حربی ایسه تن جراحتی آلدی. نتیجهده سابق ملی مدافعه وزیری عبدالله حبیبی و حربی کوچلر قوماندانی قدم شاه شهیم وظیفهلریدن استعفا بیردی.
بیراق، ملی بیرلیک حکومت جناب حبیبینی اُردون ایلچیسی و قدم شاه شهیمنی ایسه قزاقستان ایلچیسی صفتیده تعیین ایتدی.
خوفسیزلیک و برقرارلیک کینگشی سوزلاوچیسی مسعود ترشتوال نینگ سلاموطندارگه ایتیشیچه، ملی بیرلیک حکومتی تامانیدن تخصصی بولمهگن شخلرنی ایلچی صفتیده تعیین ایتیشی مملکت دیپلوماسی تیزیمی اوستیگه سلبی تأثیر تشلهیدی.
جناب ترشتوال نینگ کوپهیتیریشیچه، ملی بیرلیک حکومتی رهبرلری تشقی ایشلر وزیرلیگی بیلن بوندهی حرکتده بولسه، افغانستان نینگ تشقی سیاستلری یخشی بیر شکلده بجره آلمهیدیلر.
شونینگدیک، نمایندهلر مجلسی نینگ اعضاسی عارف رحمانی، سونگی تعییناتلر شخصی و تیمی علاقهلر اساسیده عملی بولهدی دیب، ایلچی صفتیده تعیین ایتیله دیگن کیشیلر، دیپلوماسی نی یخشی بیر شکلده توشونیشلری کیرهک.
جناب رحمانی نینگ کوپهیتیریشیچه، بوندهی تعییناتلر مملکت منفعتی گه ایمس و بو ایشلر مملکتگه زیان ییتکیزهدی.
بیراق، پنج شنبه کون کابلده خبری بیر ییغین نطق سوزله گن اجراییه ریاستی سوزلاوچیسی مجیب الرحمان رحیمی نینگ ایتیشیچه، سابق ملی مدافعه وزیری و حربی کوچلر سابق باش قوماندانی یخشی بیر شکلده ایلچی لیک قیله آله دیلر.
جناب رحیمی نینگ کوپهیتیریشیچه، سابق ملی مدافعه وزیری عبدالله حبیبی و حربی کوچلر سابق باش قوماندانی قدم شاه شهیم، بلخ ولایتیده شاهین 209 قول اردو ده یوز بیرگن واقعه گه عیبلنمهگنلر.
