ننگرهار ولایتی نینگ یشاووچیلری، پاکستان وکالتخانه‌سی نینگ قوریقچیلریگه پول بیرمه‌گن تقدیرده، وکالتخانه ایچیگه کیریش‌گه موفق بولمسلیکلرینی ایته‌دیلر.
اعتراضلی ییغین اوتکزگن اوشبو یشاووچیلرنینگ ایتیشیچه، هر کون ایرتلب تانگ وقتی بیلن ویزه آلیش مقصدیده پاکستان وکالتخانه‌سیگه باش اوره‌دیلر؛ اما پولیس فقط پاره بیره دیگنلرگه کیریش اوچون رخصت بیره‌دی.
اعتراضچیلرگه کوره، شکایتلرینی بوتون مسوول اداره لرگه ییتکزگنلر؛ لیکن، هنوز هم هیچ کیم بو قیین چیلیکلری حل اوچون اعتبار بیرمه گن لیگینی تیلگه آلگنلر.
بو توغریده جلال آباد شهریده جایلشگن پاکستان وکالخانه‌سی رسمیلری فکرینی اورگه‌نیش اوچون آلیب بارگن سعی و حرکتی میز نتیچه بیرمه‌دی.
ننگرهار ولایتی والیسی نینگ سوزلاووچیسی عطاالله خوگیانی، پاکستان وکالتخانه‌سیده فساد موجودلیگینی اعتراف قیلگن. نیچه مرته والی اوزی باریب موضوعنی یقیندن کوزه‌تیب نیچه نفر کمیشن کارنی حبس‌گه آلدی دیدی خوگیانی.
