د امریکا ولسمشریزو ټاکنو ته د جمهوري غوښتونکو له خوا نوماند ډونالډ ټرامپ وايي، چې متحده ایالات د بنسټ پالنې پر وړاندې ملي بسیج ته ضرورت لري.
ډونالډ ټرامپ تېره ورځ په خپلو خبرو کې زیاته کړه، چې امریکا باید د مسلمان مهاجرو عقاید کنټرول کړي.
نوموړي دا هم ویلي، چې د داعش او اسلامي بنسټ پالانو پر وړاندې باید جدي مبارزه وشي او د دوی د تبلیغاتي جنګ مخه ونیسي.
د دغه هېواد ولسمشریزو ټاکنو ته نوماند ټرامپ زیاته کړه، چې په عمومي توګه او په ځانګړي ډول مسلمان کډوالو څخه د عقایدو تفتیش وشي.
نوموړي زیاته کړه، چې که ولسمشر شو، نو د داعش ډله به نابود کړي.
هغه، چې "یونګستاون اوهایو" کې خبرې کولې وویل، که په ولسمشریزو ټاکنو کې بریالی شي، نو د داعش ډلې پر وړاندې به نړېواله جبهه جوړه کړي او ټولې مالي سرچينې به يې بندې کړي.
ټرامپ زیاته کړه، چې د داعش تبلیغاتي جنګ له پاره باید مشترک فعالیتونه رامنځ ته شي.
