ولایتی کینگاشلر اعضاسی اگر ملی کینگاش، ولایتی کینگاشلر نینگ دولت ایشلریدن نظارت قیلیش صلاحیتی‌نی لغو قیلگن تصمیمی‌گه اوزگریش کیلتیرمسه، یوکسک اعتراض یولگه قویه‌میز دیب هشدار بیره دیلر. ملی کینگاش، اوتگن هفته‌نینگ چهارشنبه کونی‌ده سیلاو قانونیگه تعدیلات کیلتیردی و موندن آلدین ولایتی کینگاشلر دولت ایشی‌دن نظارت قیلیش حقی‌بار ایدی، بو صلاحیت‌نی هم آلدیلر. بو کینگاشلر اعضاسی، جمعه کونی کابلده بیر کنفرانس آرقه‌لی پارلمان سونگی حرکتی( ولایتی کینگاشلر دن نظارت قیلیش صلاحیتی‌نی آلگنی) اوچون اعتراض قیلدیلر و بو تصمیم‌لری‌نی خلق اوچون کته جفا ایکن‌لیگی‌نی ایتدیلر. ولایتی کینگاشلر اعضاسی دولت ایشلریدن نظارت قیلیش حقی آلینیشی بیلن، روحی بولمگن جسم دیک حرکت دن قاله میز دیگن‌لر. کینگاش سونگی سیلاو قانونیگه تعدیلات کیلتیریش و ولایتی کینگاشلر دن نظارت قیلیش صلاحیتی‌نی آلیشلری‌دن باشلب، اولکه 16 ولایتی کینگاش دفتری نینگ ایشیگی باغلندی.
ولایتی کینگاشلر اعضاسی ملی بیرگه‌لیک حکومت جمهور رییسی و اجرای رییسی‌دن تیزلیک‌ده ایسته‌کلریگه ایتیشی‌لیشنی سوره‌دیلر. ولایتی کینگاشلر اعضاسی، ایستگیمیزگه ایریشمه‌گن صورتده برچه ولایت، ولایتی کینگاش اعضاسی‌نی کابلده چقیره‌میز، اونده نهایی آلینگن تصمیم‌لریمیزنی اعلام قیلیشه‌میز دیگن.
شوهفته باشله‌نیشی بیلن، ملی کینگاش اعضاسی 45 کونلیک قیش تعطیلاتی اوچون اویلری تامان کیتگن‌لر و بو توغریده حکومت نیمه ایش قیله آله‌دی اوهم بیلی ایمس.
