.JPG)
سلاموطندار اختیاریگه قرار تاپگن بیرقطار حجتلرگه کوره، قندوز ولایتیده کووید 19 کسلخانهسیگه تجهیزات و لوازم ساتیب آلینیش اوچون هزینه قیلینگن پولدن کمیده 2 میلیون افغانیسی یوقالگن.
مذکور حجتلرگه کوره، قندوز ولایت مقامی نینگ تدارکات کمیتهسی تامانیدن ساتیب آلینگن ساغلیق لوازم و تجهیزاتلرنینگ بهاسی و بازار ده بولگن بها آرهسیده فرق بار و حجتلر بوتوغریده کوپینچه فساد صورت تاپگنینی کورستهدی.
حجتلرگه کوره، قندوز ولایتیده کووید 19 کسلخانه اوچون اوشبو ولایت مقامی نینگ تدارکات کمیته سی تامانیدن ساتیب آلینگن تجهیزات و لوازملر آذیق-آوقات، بنا قوریش لوازم، قرطاسیه، یوویش واسطهلری، روغنیات، ظروف و وسایط اوچون پرزهجات دیر. مذکور 6 قلم لوازم نینگ بهاسی «4.318.790» افغانی بولگن، بیراق بازار ده مذکور اجناس نینگ بهاسی «2.318748» افغانی بولهدی. کورینیشیچه، اوشبو پول نینگ (1.967.042) افغانی ساغلیک تجهیزاتلر ساتیب آلینیشی جریانیده تالان قیلینگن.
مذکور حجت نینگ بیرینچی بولیمیده قندوز کووید 19 کسلخانهسیده 42 قلم آذیق-آقات ساتیب آلینگن و اوشبو مادهلر پولی «997.750» افغانی بولگن، بیراق بازار ده مذکور موادلرنینگ پولی «702.160» افغانی بولهدی.
تدارکات کمیتهسی بیر بوتل سوونی 30 افغانی ساتیب آلگن و 5400 بوتل سوو 162000 مینگ افغانی بولگن، بیراق مذکور سوو نینگ بهاسی بازار ده 10 افغانی دیر و جمله 45000 مینگ افغانی بولهدی.
.JPG)
قندوز ولایتی بوییچه ساغلیقنی سقلش ریاستی باشلیغی احسانالله فضلی نینگ ایتیشیچه، اوشبو ولایتده کووید 19 کسلخانهسی نینگ بوتون نیازلرینی بیر پیشنهاد آرقهلی تدارکات کمیتهسیگه یوبارگنلر و ساتیب آلیش مسوولیتی مذکور کمیته بوینیگه دیر.
قندوز حاکمی سوزلاوچیسی عصمتالله مرادی نینگ ایتیشیچه، اوشبو ولایتده کووید 19 کسلخانهده 17 میلیون افغانیگه لوازم و تجهیزات ساتیب آلینگن. اونینگ ایتیشیچه، یوللرنینگ یاپیق بولگنی، شهرده نیاز بولگن تجهیزات لرنینگ یوقلیگی و اضطراری حالت بیلن دوچ کیلگنلری سبب تجهیزاتلرنینگ بهاسی یوقاری بولگن.
اونینگ تاکید قیلیشیچه، بو موضوع نی محلی حکومت تامانیدن تیکشیریلیشی کیرهک.
اوشبو فهرست نینگ ایکینچی بولیمیده یوویلهدیگن 34 قلم ماده شامل دیر. کورینیشیچه، مذکور ماده نینگ ساتیب آلینیشیگه 50% فساد صورت تاپگن. 34 قلم ماده نینگ واقعی بهاسی بازار ده «807.298» افغانی دیر، بیراق تدارکات کمیتهسی اوشبو مادهنی «2.111.645» افغانی ساتیب آلگن.
مذکور تجهیزاتلرنی یالغیز انهشو بیر بولیمینی تیارلهنیشیگه «1.304.347» افغانی تالان قیلینگن.
قندوز ولایتیده کرونا ویروسیگه قرشی کورهش جریانیدن نظارت قیلیووچی کمیته اعضاسی عنایتالله خلیق نینگ ایتیشیچه، اوشبو جریانده معلومات بیریش و تینیقلیک رعایت قیلینمهگن. اونینگ ایتیشیچه، پول و ساتیب آلینهدیگن تجهیزاتلردن نظارت قیلیش اوشبو کمیته ایشلریدن بیری ایدی، بیراق تدارکات کمیتهسی و محلی حکومت تامانیدن دقت قیلینمهگن.
بیراق، قندوز حاکمی سوزلاوچیسی نینگ ایتیشیچه، امضاسی بولمهگن خریدارلیک برگهلرنی اوشه زمان نظارت قیلیووچی کمیته تامانیدن قیتهریلیشی کیرهک ایدی. اونینگ کوپهیتیریشیچه، نظارت قیلیووچی کمیته اعضالری حاضرده هم بو توغریده اسناد اریه قیلگن صورتده، موضوع کابلدن کیلهدیگن هیات تامانیدن تیکشیریلهدی.
ساتیب آلینگن تجهیزاتلرنینگ اوچینچی بولیمیده 55 قلم لوازم شامل دیر. اوشبو تجهیزاتلر تدارکات کمیتهسی تامانیدن «508.965» افغانی ساتیب آلینگن، بیراق مذکور تجهیزاتلرنینگ بازار ده بولگن واقعی بهاسی «339.120» افغانی دیر و اره ده «169.845» افغانی فرق بار.
فهرست نینگ 4- بولیمیده «128.482» افغانیگه 33 قلم قرطاسیه ساتیب آلینگن، بیراق مذکور قرطاسیهلرنینگ بازار ده بولگن واضعی بهاسی «78.020» افغانی بولهدی و بو اره ده «50.460» افغانی تفاوت موجود.
ساتیب آلینگن تجهیزاتلرنی 5- بولیمیده 20 قلم روغنیات و وسایط پرزهلری شامل. مذکور تجهیزاتلر «157.150» افغانی ساتیب آلینگن، بیراق بازار ده اوشبو لوازملرنینگ جمله بهاسی «111.500» افغانی بولهدی و آره ده «45.650» افغانی تالان قیلینگن.
اوشبو سناد نینگ 5- بولیمیده تدارکات کمیتهسی تامانیدن قندوز کووید 19 کسلخانهسیده «381.800» افغانیگه 23 قلم لوازم ساتیب آلینگن، بیراق مذکور تجهیزاتلرنینگ جمله بهاسی «280.650» افغانی بوله دی و بهالر آرهسیده «101.150» افغانی یوقالگن.
.JPG)
قندوز ولایتی بوییچه مدنی جماعه باشلیغی نینگ ایتیشیچه، قندوز کووید 19 کسلخانهسیده ساتیب آلینهدیگن تجهیزاتلرده تینیقلیک یوقلیگی خصوصیده نیچه مرته اعتراض بیلدیرگن، بیراق محلی حکومت تامانیدن دقت قیلینمهگن. اونینگ کوپهیتیریشیچه، اوشبو ولایتده کرونا ویروسیگه قرشی کورهش اوچون اجرهتیلگن پول نینگ مصرف قیلینیشی کندلیکده ایلگری کیتهدی و محلی حکومت حاضرگهقدر هم مذکور پولدن 20% نی مصرف قیلیشگه موفق بولمهگن.
عینحالده، قندوز حاکمی سوزلاوچیسی عصمتالله مرادی نینگ ایتیشیچه، تجهیزاتلردن بیرقطاری یوقاری بهاگه ساتیب آلینگن. او، بوتوغریده تحقیقاتلر باشلنگنیدن خبر بیرگن.
قندوز یشاوچیلریدن بیرقطاری نینگ محلی حکومتدن تنقید قیلیب ایتیشلریچه، تدارکات کمیتهسی و محلی حکومت کرونا کونلرده نیازمند و کمبغل عایلهلرگه هیچقندهی یاردم بیرمهگن.
بوتوغریده بولگن اسنادلردن باشقه بیر بولیمی قولگه کیلتیریش اوچون قندوز مقامی نینگ مالی و اداری ریاستیگه نیچه مرته مراجعت قیلدیک، بیراق اوشبو اداره تورلی بهانهلر سبب، سلاموطندار خبرچیسیگه یاردم بیرمهدی.
مملکت بوتون ولایتلریده کرونا گه قرشی کورهش اوچون اجرهتیلگن بودجه نینگ مصرف قیلینشیگه فساد بولگنی خصوصیده قطار گزارشلر نشر قیلینگن. مملکت یشاوچیلریدن بیرقطاری نینگ ایتیشلریچه، کرونا ویروسیگه قرشی کورهش اوچون اجرهتیلگن پول نینگ کوپ قطاری قطار مسووللر تامانیدن تالان قیلینگن.
