هرات و قندهار ولایتلریده بیرهم کونلری ترافیک حادثهلر نتیجهسیده ۳ کیشی اولگن و باشقثه ۲۷۳ کیشی تن جراحتی آلگن.
هرات حوزهیی کسلخانهسی نینگ سوزلاوچیسی محمدرفیق شیرزی سلاموطندارگه رمضان بیرهمی کونلریده مذکور ولایتده ۲ کیشی جان بیرگن و باشقه ۱۶۹ کیشی یرهلنگن دیگن. جاری ییل باشله نیشیدن حاضرگه قدر هرات ولایتیده ترافیک حادثهلرده ۱۵ کیشی عالمدن اوتگن و باشقه ۱۰۰۰ کیشی یرهلنگنلیگینی تیلگه آلگن جناب شیرزی.
هرات حوزهیی کسلخانهسی رسمیلریگه کوره، بیرهم کونلریده یاش ییگیتلردن ۶۵ کیشی ایسه بیرهم کونلریده یرهلنیب کسلخانه گه کیلتیریلگن.
قندهار حوزهیی کسلخانهسی نینگ باش طبیبی داکتر محمد قاسم هم بیرهم کونلریده ۱ کیشی اولیب و باشقه عیاللر و بالهلر قوشیمچه هییت کونلریده ترافیک حادثهلر عاقبتیده ۱۰۴ کیشی یرهدار بولگن دیگن. او، ۴۲ باله، ۷ عیال و ۵۶ ایرکک یرهلنیب، بولردن ۱۲ تهسینی ساغلیق وضعیتی یمان دیگن.
بو ترافیکی حادثهلردن کوپیسی قندهار شهری و تومنلریده موترسایکل هیداوچی شخصلر تامانیدن روی بیرگن و قندهار کسلخانهسی رسمیلری هیداوچیلرنینگ توجهسیزلیگی و تیز هیدهشلرینی حادثهلر اصلی عاملی دیب بیلهدی.
قندهار یشاوچیلری ترافیک مدیرلیگیدن ۱۸ یاشنی تولدیرمهگنلر و هیدهش جوازی بولمهگن شخصلرگه هیدهش اجازهسینی بیرمسلیگینی سورهیدیلر.
بیراق قندهار ترافیک مدیری محمداللهخان خانهدانلردن ۱۸ یاشنی تولدیرمهگن یاشلرگه هیدهش اجازهسینی بیرمهسینلر دیدی.
قندهار ترافیک مدیرلیک رسمیلرینینگ ایتیشیچه، جاری ییلده جوازی بولمهگنلرگه هیدهش اجازهسی بیریلمه گنی و تیز هیدهشلر آلدینی آلیشلری بیلن ولایت بولیب حادثهلر رقمی آزهیگن.
