.jpg)
ننگرهار ولایتیده ساغلیق‌نی سقلش ریاستی مسؤوللری‌نینگ ایتیشیچه، اوشبو ولایتده هوا دغل‌لیگی باعث، اوتگن آلتی آیده چمه‌سی 56 مینگ باله سینه‌وبغل و باشقه نفس کسل‌لیک‌لریگه چالینگن.
ننگرهار ولایتی‌نینگ ساغلیق‌نی سقلش ریاستی باشلیغی نجیب‌الله کامه‌وال‌نینگ ایتیشیچه، اوشبو باله‌لر دارولنیشی اوچون جلال‌آباد شهری و بو ولایت‌نینگ تومن‌لرینی کسلخانه‌لریگه انتقال بیریلگن.
ساغلیق‌نی سقلش باشلیغی گه کوره، هوا دغل‌لیگی، عایله‌لرنینگ دقت‌سیزلیگی و کم‌بغل‌لیک باعث، باله‌لر تورلی کسل‌لیک‌لرگه چالینگن‌لر.
ننگرهار ولایتیده ساغلیق‌نی سقلش ریاستی مسؤوللری‌نینگ ایتیشیچه، هوا دغل‌لیگی باعث، نفس کسل‌لیک‌لرینی آلدی آلینیشی اوچون عایله‌لر باله‌لریگه جدی شکلده دقت قیلیشی فایده‌لی دیر.
جلال‌آباد حوزه‌یی کسلخانه‌سیده باله‌لر متخصصی داکتر حبیبی‌نینگ ایتیشیچه، سینه‌وبغل کوپینچه پیت‌لرده باله‌لر جان بیریشی و ناگرانلیگی‌گه سبب بوله‌دی و بو رقم آز رواجلنگن مملکت‌لرده کوپراق دیر.
ننگرهارده کسل باله‌لرنینگ سانی آشگن بیرچاغده، مذکور ولایت یشاوچیلری ساغلیک امکانیت کم‌لیگی و بو ولایت گه حکومت دقت قیلمه‌گنیدن شکایت قیلگن‌لر. اولرگه کوره، ننگرهار ولایتی کسلخانه‌سی یاتاقخانه کم‌لیگی‌گه روپه‌ره بولگن و مراجعتچی‌لرنینگ سانی حددن تشقری دیر.
هوا دغل‌لیگی جدی قیین‌چیلیک‌لردن بیری بولیب و کته شهرلرده کونده‌لیک اهالی حیاتی‌نی تهدید قیله‌دی و ییلده دنیا بوییچه 5.5 میلیون انسان هوا دغل‌لیگی باعث، تورلی کسل‌لیک‌لرگه چالینیب هلاک بوله‌دیلر.
