کیله‌سی آیده هند و پاکستان چیگره‌وی رسمیلری چیگره‌وی قیینچی‌لیکلری حل ایتیشده قتنشماقچی. اوشبو اولتیریش هر ایکی ییلده بیر بولیب اوته‌دی و بومرته ینگی دهلی بو اولتیریش میزبانی بولیشی کوزه تیله‌دی.
مذکور اوچره‌شووده پاکستان عملیاتی ییریک رسمیلری (دی.جی.ایم.او) هند اولکه‌سی نینگ چیگره‌وی رسمیلری (بی.اس.اف) لر قتنشماقده.
اوشبو اولتیریش سپمبر آی‌نینگ 9 ده باشلنه‌دی و تورت کون دوام تاپیشی کوزه تیله‌دی. ایتیلیشیچه، کیله‌سی آیده اوتکزه‌دیگن اوچره شوو اوچون ایکی تامان رسمیلری پاکستان واگه بندریده اوچره شوو اوتکزگن ایکنلر.
نیچه هفته آلدین هم هند و پاکستان امنیتی مصلحت‌چیلری ارا اوچره‌شوو اوتکزیلگن ایدی. اوشبو اوچره شووده پاکستان رسمیلری اوفا اولتیریشیده کشمیر قیینچی‌لیگی حل ایتیش باره‌سیده سوره‌گن ایدیلر و موضوع هند رسمیلری‌نینگ قتیق قرشیلیگی بیلن روپه‌ره بولگن ایدی و روسیه اوفا شهریده اوتکزیله‌دیگن اولتیریش لغو بولگن ایدی.
ایتیلیشیچه، ایکی تامان رسمیلری کیله‌سی آیده اوفا اولتیریشی بیر بولیمی بوله‌دیلر.
اوشبو اولتیریش شوپیتده بولیب اوتماقده دیرکه شو سونگی‌ده ایکی اولکه چیگره‌سیده آغیر توقنه‌شوولر اوتکزیلیب ایکی تاماندن تلفات بیریلگن ایدی.
