امیریکه قوشمه ایالت جمهور رییسی، باراک اوباما و هند باش وزیری، نرندرا مودی اوزون سوزله‌شوولردن کیین چین‌گه آچیق پیام بیرگن. ایکی رهبر آسیاده هیچ بیر مملکت سلطنت قیله آلمیدی دیگن تأکیدلری یانیده، پکن گه قره‌تیب، چین نینگ جنوبی دینگیزی و هند اقیانوسیه‌سیده امیریکه، هند و واشنگتن نینگ باشقه متحدلری بارلیگی‌گه توجه قیلیشینی سوره‌گنلر.
اوباما و مودی نینگ معلوم قیلیش‌لریچه هند موشکی قوراللر کنترول قیلیش تشکیلات عضوی بولیشی‌گه کوره‌شه‌دی. هند و چین هنوزگچه مذکور تشکیلات عضوی بولالمه‌گن ایدیلر.
آتی سیر سقلنیشی‌نی ایسته‌گن امیریکه لیک بلند مرتبه‌لی رسمی‌لردن بیری، هند مملکتی نینگ موشکی قوراللر کنترول قیلیش تشکیلات عضوی بولیشی‌گه سیاسی تفاهم قیلینگن‌لیگیدن خبر بیره‌دی. اونگه کوره، هند مملکتی مذکور تشکیلات عضوی بولیشی‌گه امیریکه چقور علاقه کورستگن.
اوتگن کونگی نرندرا مودی نینگ جمهور رییس اوباما بیلن قیلگن اوچره‌شوویده، هند مملکتی نینگ موشکی قوراللر کنترول قیلیش تشکیلات عضوی بولیشی‌گه دستکله‌گنی اوچون اونی آلقیشله‌دی.
معلوم‌کی چین آسیا و منطقه‌ده حربی ترقیاتگه ایریشگن ییریک مملکت‌لردن بیری دیر و پکن‌نی ترقیاتی امیریکه، هند و باشقه متحدلری‌گه تهدید دیب سنله‌دی. پکن هم هندنی منطقه‌ده قدرتمند بولیشیدن تشویش‌ده.
