افغانستان و هند اورته‌سیده 25میلیون دالرلیک بیتیم‌گه قول قوییلدی
کابل‌ده هند ایلچی‌سی من‌پریت هورا و کابینه‌نینگ بیر قطار اعضالری اشتراکی‌ده بیتیم‌گه قول قوییلیشی مناسبت بیلن اوتکزیلگن ییغین‌ده قتنشگن اجراییه ریاستی‌نینگ باشلیغی عبدالله عبدالله، بو مبلغ‌لر آلدین‌دن تصدیق‌لنگن قیته‌ریب بیریلمیدیگن کومک‌لر جمله‌سیدن بولگن لیگینی ایتگن.
اونینگ ایتیشیچه، 87 رواجلنتیریش لایحه‌نی اوز ایچیگه آلووچی مذکور کومک‌لر اهالی، ولایتی کینگش و مدنی جماعه‌چیلیک فعال‌لری بیلن صحبت قیلینگن‌دن کیین ولایت‌لر اهالی‌سی‌نینگ احتیاجی‌گه قره‌ب اختصاص‌لشتیریله‌دی.
کابل‌ده هند‌نینگ ایلچیسی‌گه کوره، مذکور لایحه‌لر نظرده توتیلگن زمان‌ده عملی بولگن حالده، مملکتی‌نینگ افغانستانگه کورسته‌جک همکارلیک‌لری آشیشی ممکن. او، هند افغانستان دوستی صفتی‌ده بو مملکت تورلی ساحه‌لرده رواجله‌نیشی اوچون بیره دیگن کومک‌لریگه دوام بیره‌دی دیدی.
هند، هنوزگچه افغانستان قیته قوریش لایحه‌لری اوچون ایکّی میلیارد اقش دالری یاردم کورستگن انه شو سبب ینگی دهلی افغانستانگه کته مقدارده مالی کومک قیلگن دولت‌لردن حسابلنه‌دی.
