افغانستان: کمیده تورت آی آلدین، 7 ته ایشلاوچیسی بولگن شرکت، جمهور رئیس و دولت بلند مرتبه‌لری نینگ کوزینی اونگیده 11 میلیون دالرلیک شرطنامه‌نی قولگه کیریتدی. سلام‌وطندار تامانیدن قولگه کیریتیلگن معلومات اساسیده، بو شرکت مالیه وزیرلیگی نینگ سرپرستی همایون قیومی تامانیدن «تدارکات قانونی جریانی گه قرشی» اوشبو میلیون دالرلیک شرطنامه‌نی قولگه کیریتیش اوچون تکلیف قیلینگن. بوستُس شرکتی نینگ شرطنامه باغله‌یدیگن چاغیده، آمریکا و افغانستانده ایش جوازی یوق ایکن.
عین دمده، ایکی کون آلدین، آمریکا قوشمه ایالت‌لری ملی تدارکات کبی اداره‌لرگه اشاره قیلیب افغانستان حکومتی ده فساد بارلیگی و مالی مدیریتی ناتوغری باشقریلیشی نی دلیل کورسه‌تیب افغانستان گه بیریلیشی کوتیلگن کمیده 160 میلیون دالرلیک یاردمی نی بیکار قیلدی.
حکایه نینگ باشله‌نیشی
اوشبو حکایه، 1394- ییل، میزان آیی نینگ باشله‌نیشی ده حکومت مخابراتی شرکت‌لرنینگ کریدت‌کارتلریدن 10% سالیق توپلش نی کلید قیلگن بیرچاغده، باشلندی. اوشبو برنامه عمل‌گه آشیریش مسؤولیتی مالیه و مخابرات وزیرلیک‌لری و مخابراتی خذمت‌لرنی کوزه‌تووچی اداره یا-ده اترا نینگ اوستیده بولگن.
ییل‌لر اوتدی، بیراق مشتریلردن توپلنه‌دیگن 10% سالیق قییرگه کیتیشی بیللی ایمس، نتیجه‌ده بوستُس آتلی شرکت 7 ایشلاوچیسی بیلن یولدن ییتیشدی و کیم‌آچتی سودا آچیلمس‌دن و قانونی باسقیچ‌لرنی اوتکزمس‌دن «ریل‌تایم» پروژه‌سینی اوغیرله‌دی.
شرطنامه باغلنگنیدن بیر کون اوتگنیدن سونگ، سلام‌وطندار تامانیدن قولگه کیریتیلگن معلومات، بو شرکت نینگ مناسب ایش تجربه‌سی بولمه‌گنینی کورسته‌دی.
ایش جوازی بولمه‌گن شرکت
افغانستان بویلب عکس‌العمل‌لر اوج آلیشی بیلن مخابرات وزیرلیگی نینگ اعلان قیلیشیچه، بستُس شرکتی 20 دن آرتیق مملکت‌ده مخابرات خصوصیده، ایش تجربه‌سی بولگن «لترو» آتلی آمریکایی‌لیک شرکت بیلن قوشمه شکلده، مخابرات وزیرلیگی بیلن «ریل‌تایم» شرطنامه‌سی گه قول قویگن. لیکن شرطنامه امضاءلنگن کونیده، لترو شرکتی دن هیچ بیر نماینده یوق ایکن و هیچ ییرده بو شرکت دن آت توتیلمه‌گن.
بوستُس شرکتی آمریکایی‌لیک بولگنی اوچون قانون اساسیده، آمریکا قوشمه ایالت‌لریده رویخط‌گه آلینیب و رویخط‌گه آلینگن حجتی‌نی ریل‌تایم شرطنامه‌سینی قولگه کیریتیش اوچون افغانستان حکومتی گه ارایه قیلیشی کیره‌ک ایدی، بیراق قولگه کیریتیلگن معلومات گه کوره، بو شرکت «مخابرات وزیرلیگی بیلن شرطنامه امضاءلگنیدن بیر کون اوتگنیدن سونگ، آمریکانینگ نوادای ایالتی‌ده رویخط‌گه آلینگن.»
ریل‌تایم پروژه‌سینی قولگه کیریتیش شرط‌لریدن بیری، شرکت‌لرنینگ بیش ییل‌لیک ایشلریدن معلومات بیریش دیر؛ بو پروژه اوچون بیردن باش چیقارگن بوستُس شرکتی نینگ بیش ییل‌لیک تجربه خصوصیده، هیچ بیر حجتی یوق ایکن.
سلام‌وطندار تامانیدن ینگی‌لیک‌ده قولگه کیریتیلگن حجت گه کوره، بوستُس شرکتی نینگ تدارکاتی باسقیچ جریانی و شرطنامه باغله‌یدیگن چاغیده هم جوازی بولمه‌گن.
اوشبو حجت گه کوره، شرطنامه باغلنگنیدن 42 کون اوتیب، میدیالر و اهالی تامانیدن عکس‌العمل‌لر بیلدیریلگنیدن سونگ، «قویاش، 1398- ییل، 21- حمل‌ده» بوستُس شرکتی ایش جوازینی صناعت و سوداگرلیک وزیرلیگی نینگ فکری ملکیت و مرکزی رویخط‌گه آلیش عمومی ریاستی‌دن قولگه کیریتگن.
سلام‌وطندارنینگ اختیاریده بولگن حجت اساسیده، بوستُس شرکتی نینگ شرطنامه باغله‌نیشیدن آلدین ایش جوازی یوق ایکن و مخابرات و مالیه وزیرلیک‌لری و تدارکات اداره‌سی نیمه اوچون و قیسی معیارلر اساسیده، بونده‌ی بیر کته پروژه‌نی جوازسیز شرکت گه تاپشیرگن سببی حاضرگه‌قدر معلوم بولمه‌گن؛ عین دمده، باشقه نیچه شرکت هم بو پروژه نی قولگه کیریتیش اوچون تیارگرلیک کورستگن ایکن.
عین حالده، صناعت و سوداگرلیک وزیرلیگی نینگ ایش جوازینی رویخط‌گه آلیش و صادر قیلیش جریانی نینگ بیرینچی و ایکینچی ماده‌لریده بونده‌ی دییلگن:
- رسمی مکتوب چیت‌ایللیک مملکت نینگ اداره‌لری (سوداگرلیک وزیرلیگی، سوداگرلیک‌نی رویخط‌گه آلیش اداره‌سی و صناعت و سوداگرلیک اتاقلری) نینگ مهر و امضاءسی بیلن بیزه‌لیب و صادر ایتیلگن بولسه، چیت‌ایل‌ده سرمایه یاتقزیش اوچون رویخط‌گه آلینگن حجت صفتیده تانیله‌دی.
- یوقاریده ذکر ایتیلگن بیرینچی فقره ده کیریتیلگن اداره‌لرنینگ حجت‌لریدن باشقه اداره‌لرده رویخط‌گه آلینیب و راجستر قیلینگن حجت‌لر چیت‌ایل‌ده سرمایه یاتقزیش تصدیقی و رویخط‌گه آلینگن حجت صفتیده قبول قیلینمه‌یدی.
بیراق، بوستُس شرکتی نینگ یوقاریده ذکر ایتیلگن ماده گه اساس هیچ بیر حجتی یوق ایکن.
مسؤول کیم؛ کیم یالغان ایته‌دی؟
ملی تدارکات اداره‌سی بوستُ شرکتی بیلن باغلنگن شرطنامه مسؤولیتی‌نی مخابرات وزیرلیگی نینگ بوینیگه تشله‌گن. مذکور اداره مسؤوللری نینگ سلام‌وطندارگه ایتیشیچه، خاص منبع دن فایده‌لنیش و ریل‌تایم پروژه‌سی بوستُس شرکتی‌گه تاپشیریلیشی مخابرات وزیرلیگی تامانیدن تکلیف ایتیلگن.
ملی تدارکات اداره‌سی نینگ علاقه‌وی بولیم مسؤولی رامین ایازنینگ ایتیشیچه، «مخابرات وزیرلیگی نینگ مسؤوللری، بوستُس شرکتی نینگ مسؤوللری بیلن آمریکا ده اوچره‌شگن و بو اوچره‌شووده شرطنامه‌نی بو شرکت‌گه تاپشیریشی خصوصیده کیلیشگن.» جناب ایاز گه کوره، شرکت‌لر بیلن شرطنامه باغلش وزیرلیک‌لر و باشقه دولتی اداره‌لرنینگ مسؤولیتی دیر و ملی تدارکات اداره‌سی یالغیز قاعده اساسیده، شرطنامه‌لر ایلگری آلیب باریلیشی اوچون تیکشیریب اوته‌دی.
مخابرات و معلومات وزیرلیگی نینگ مطبوعات بولیمی مصلحتچیسی شیرشاه نوابی نینگ ایتیشیچه، اوشبو وزیرلیک نینگ ینگی رهبرلیگی گه جواب بیریش اوچون لترو شرکتی مسؤول دیر؛ او، بوستُس شرکتی و 11 میلیون دالرلیک شرطنامه توغریسیده صحبت بیرمه‌گن.
مخابرات وزیرلیگی نینگ سابق مسوول‌لری بو صحبت‌لرنی رد قیله‌دی. مخابرات وزیرلیگی نینگ سابق سوزلاوچیسی سایر زلاند نینگ سلام‌وطندارگه ایتیشیچه، مخابرات وزیرلیگی ریل‌تایم سیستمه‌سی قراردادینی ملی تدارکات اداره‌سیگه تاپشیریلیشی خصوصیده هیچ‌قندی پیشنهاد بیرمه‌گن.
اونینگ ایتیشیچه، پروژه‌لرنی تدارکاتی پروسه‌سی تدارکات قانونیگه کوره، تدارکات کمیته‌سی نینگ صلاحیت‌لریدن دیر و مخابرات وزیرلیگی قراردادلر عقد ایتلگنی‌دن سونگ، تخنیکی و فنی بولیم‌لرده همکارلیک قیله‌دی.
.jpg)
2018- ییل 25 اکتوبر ده ملی تدارکات اداره‌سی تامانیدن مخابرات وزیرلیگی‌گه یوباریلگن مکتوبده کیریتیلیشیچه، مالیه وزیرلیگی سرپرستی همایون قیومی نینگ گزارشی‌گه کوره، ریل‌تایم سیستمه‌سینی تدارکاتی پروسه‌سی بن‌بست بیلن روپه‌ره بولگن و آمریکالیک بیر شرکت بیلن قرارداد ایتیلیشی اوچون واحد منبع دن فایده‌لنیش پیشنهاد ایتیلگن.
مکتوب بیر بولیمیده: «مالیه وزیری گزارشی اساسیده، RTDMS تدارکاتی پروسه بن‌بست بیلن دوچ کیلگن، انه‌شو سبب، تدارکاتی پروسه لغو و واحد مرجع آرقه‌لی آمریکالیک بیر کمپنی بیلن قرارداد ایتیلیشی پیشنهاد ایتیلگن.»
شونینگدیک، مالیه وزیرلیگی سرپرستی همایون قیومی بو مکتوب‌گه قناعت قیلمه‌ی 2018- ییل 8 دسامبرگه بیر ایمیل آرقه‌لی بوستُس شرکتی‌نی ملی تدارکات کمیسیونیگه تانیتگن.
اوشبو حجت نی بیر بولیمیده ایتیلیشیچه: «قویاش 1397- ییل، 19- قوس ده اوتکزیلگن ییغینده، میلادی 2018- ییل، 8- دسمبرده مالیه وزیرلیگی نینگ ایمیلی اساسیده، ملی تدارکات اداره‌سی تامانیدن ملی تدارکات کمیسیونی گه تانیشتیریلگن آمریکایی‌لیک شرکت توغریسیده، مخابرات وزیرلیگی رسمی شکلده موافقت بیلدیره‌دی.»
مالیه وزیرلیگی سوزلاوچیسی شمروزخان مسجدی نینگ سلام‌وطندارگه ایتیشیچه، ریل‌تایم سیستمه‌سی نینگ قراردادی 4 مرته ملی تدارکات اداره‌سیگه یوباریلگن و بو مدتده مذکور قرارداد‌نی عقد قیلیش خصوصیده هیچ‌بیر مناسب شرکت تاپیلمه‌گن، انه‌شو سبب، مالیه وزیرلیگی سرپرستی و کمیته اعضاسی همایون قیومی واحد منبع دن فایده‌لنیش خصوصیده پیشنهاد بیرگن.
جناب مسجدی، 2018- ییل 8 دسامبرگه همایون قیومی تامانیدن ملی تدارکات اداره‌سیگه یوباریلگن ایمیل خصوصیده معلوماتی یوق‌لیگی‌نی ایته‌دی. اونینگ ایتیشیچه، مالیه وزیری ریل‌تایم پروژه‌سینی بوستُس شرکتی‌گه تاپشیریش خصوصیده ملی تدارکات اداره‌سیگه ایمل قیلمهگن.
نیچه مینگ دالرلیک معاش
اوشبو حجت نینگ ایریم قسمتی گه کوره، بوستُس شرکتی نینگ ایشلاوچی‌لریگه هر بیر آیده 6 دن 10 مینگ دالرگچه معاش نظرگه توتیلگن.
پروژه مدیری‌گه 7.470 دن باشلب 9.960 آمریکالیک دالر، دیزاینر و تحلیلگر گه 7.470 دن باشلب 9.960 دالر، سایبری امنیتی ایش بیلرمان اوچون 7.470 دن باشلب 9.960 دالر حقوق هر بیر آیده نظرگه آلینگن. شونینگدیک، مخابرات ارتباطی ایش بیلرمانیده 6.225 دن باشلب 9.130 دالر، بایگانی متخصص‌گه 6.225 دن باشلب 9.130 دالر و نرم‌افزار انجنیری‌گه 6.225 دن باشلب 9.130 آمریکالیک دالر حقوق بیر آیده تعیین ایتیلگن.
جمهور رئیس نینگ اطرافیده‌گی‌لری و عبدالله عبدالله نینگ بوش اورنی
باشقه بیر مدارک‌که کوره، ملی تدارکات کمیسیونی تامانیدن صادر ایتیلگن «2948» شماره‌لی فیصله‌نامه‌گه اونینگ اساسیده ریل‌تایم مصحلتی خذمت‌لر پروژه‌سی نینگ هزینه‌سی 8 میلیون 426 مینگ و 500 آمریکالیک دالردن 11 میلیون دالرگه کوپه‌یگن، حکومت اجرایی باشلیغی عبدالله عبدالله و عدلیه وزیری عبدالبصیر انور کمیسیون بو ییغینیده حضور تاپمه‌گن.
اوشبو فیصله‌نامه نینگ صادر ایتیلیشیده جناب عبدالله نینگ حضوری بولمه‌گنی خصوصیده اجراییه ریاستی نینگ ایتیشیچه، جمهور رییس نینگ اطرافیده‌گی‌لر منفعتی‌گه بولگن پرو‌ژه‌لر ملی بیرلیک حکومتی نینگ اجراییه باشلیغی غیابیده صورت تاپه‌دی.
اجراییه ریاستی‌دن بیر منبع نینگ سلام‌وطندارگه ایتیشیچه، جناب غنی نینگ اطرافیده‌گی‌لری منفعت‌لی پروژه‌لردن عبدالله عبدالله اوزاق قالیش حرکتی‌نی 4 ییل آلدین باشله‌گن. منبع‌گه کوره، شونده‌ی پروژه‌لردن کوپینچه‌سی سونگی دقیقه‌لرده بحث‌گه شامل بولر ایکن و نتیجه‌ده جناب عبدالله بو وضعیت توغریسیده ناراضیلیک بیلدیرگن و بو ناراضیلیک‌دن سونگ، بونده‌ی شرطنامه‌لر جناب عبدالله نینگ غیابیده بحث گه آلینگن.
بیراق، ملی تدارکات اداره‌سی نینگ علاقه‌وی بولیم مسؤولی رامین ایاز، بو ادعالرنی رد قیلیب ایتیشیچه، ملی تدارکات کمیسیونی نینگ ییغینی یولگه قوییلمس‌دن آلدین، بو کمیسیون نینگ بوتون اعضالری خبر قیلینه‌دی.
اوشبو جنجل‌لی شرطنامه و اونینگ تقدیری توغریسیده جمهورلیک ریاست فکری نینگ اورگه‌نیش اوچون علاقه قوردیک؛ بیراق اولر، ریل‌تایم شرطنامه‌سی توغریسیده معلومات بیریش‌دن وازکیچدی.
شو توغریده…
