هلمند ولایتی‌نینگ یشاوچی‌لری، طالب‌لر همده ملی کوچلر اورته‌سیده‌گی جاری اوروش‌ده کوپراق زیان‌نی تینچ اهالی کوره‌دی دیگن‌لر. ولایت رسمیلری مذکور وضعیت آلدینی آلمه‌گن حالده، ولایت بناسی ایشیگی‌نی یاپیش‌لر باره‌سیده آگاهلنتیرگن اهالی .
ولایت باباجی منطقه‌سی‌نینگ اهالیسی ولایتده حیات کیچیریش‌دن تویگن‌لر و شکایت‌لری تینگله‌نیشی اوچون لشکرگاه شهری‌ده‌گی مدنی اداره‌لرگه مراجعه قیلگن‌لر. مذکور اهالی‌گه کوره، اویی همده ایکین ییرلری اوروش میدانی‌گه ایلنگن. طالب‌لر و ملی کوچلرنینگ تفاوت سیزلیگی باعث ییریک ضربه‌نی اهالی کوره‌دی.
ولایت مدنی جماعه‌چیلیک اداره‌سی‌نینگ رییسی سردارمحمد همدرد‌نینگ سوزلریگه کوره، لشکرگاه شهری باباجی منطقه‌سیده‌گی ارووش باعث مذکور منطقه‌نینگ اهالیسی باشقه ییرلرگه کوچگن‌لر.
هلمند ولایت مرکزی لشکرگاه شهری‌گه یقین منطقه‌لردن بولمیش باباجی 14- ییلدن بیری اوروش گواهی بولیب کیلگن، لیکن ولایت محلی رسمیلری مذکور منطقه نیچه بار دولت قوراللی مخالف‌لریدن تازه لنگن‌لیگینی ایتگن‌لر؛ اما محل اهالی رسمیلرنینگ بو قبیل سوزلرینی رد قیگلن‌لر.
باشقه تاماندن ایریم گزارش‌لرده طالب‌لرنینگ مارجه ولسوال‌لیگی قیلگن هجوم ملی کوچلر مقاومتی‌گه دوچ کیلگن.
هلمند ولایت امنیه قوماندانلیگینینگ سوزلاوچی‌سی شاه محمد آشنا‌نینگ سلام وطندارگه ایتیشیچه، اوتگن کیچه اونلب طالب ملی کوچلر پوسته‌لریگه هجوم قیلگن‌لر.
جناب آشناگه کوره، مذکور هجوم‌ده اون طالب اولدیریلگن و 9 طالب ایسه تن جراحتی آلگن. شونینگ دیک قوراللی طالب‌لرنینگ ایکی موتری شامل بیش موتر سایکل هم قول‌گه کیریتیلگن.
ولایت امنیه قوماندانلیگینینگ سوزلاوچی‌سی جناب آشنا هجوم‌ده ملی پولیس‌نینگ ایکی عسکری تن جراحتی آلگن دیگن. باشقه تاماندن محل یشاوچی‌لری طالب‌لر سی پندک منطقه‌سیده ملی پولیس بیر منصبداری هلاک ایتگن‌لر.
اما، طالب‌لر سوزلاوچی‌سی قاری یوسف‌احمدی اوروش‌ده 17 طالب اولگن‌لیگینی تصدیقلب، ملی کوچلرنینگ اوچ پوسته‌سی قوراللی طالب‌لر تامانیدن تصرف ایتیلگن لیگینی ایتگن.
عین حالده، بوندن آلدین ولایت والی‌سی میرزاخان رحیمی ولایتی‌نینگ وضعیتی تیزلیک‌ده ایجابی اوزگریشی‌نی ایتگن ایدی. شونینگ‌دیک مذکور ولایتده نابرقرارلیک میزانی آشگنی سبب بوندن آلدین حکومت اجراییه باشلیغی عبدالله عبدالله هم خواطر بیلدیرگن ایدی.
