هلمند ولایتی‌نینگ معارف اداره‌سی مسووللری، مذکور ولایت‌ده اون ایکینچی صنفنی بیتریگن اوقووچی‌لرنینگ 59% نا برقرارلیک‌لر سبب جاری ییل مملکت بویلب اوتکزیله دیگن کانکور سیناویگه کیره آلمه‌گن‌لیک لرینگی بیلدیرگنلر.
هلمند ولایتی معارف اداره‌سی نینگ باشلیغی عبدالمتین جعفرنینگ ایتیشیچه، جاری ییل 2668 اوقووچی اون ایکینچی صنفنی بیتیرگن‌لر. بولرنینگ 450ته‌سی نی قیزلر تشکیل ایته‌دی. معارف اداره‌سی رییسی، یوقاریده ایسه تیلگن رقم دن یالغوز 1062 اوقووچی کانکور سیناویده اشتراک قیلیش اوچون کانکورچی‌لر رویخطیگه آلینگن دیگن. اونگه کوره، 1506 اوقووچی ایسه کانکورده قتنشه آلمیدی.
عالی تحصیلات وزیرلیگی تامانیدن 35 کیشی‌لیک هیآت رهبرلیگی‌ده هلمند ولایتی‌گه سفر قیلگن اسدالله امین زایی‌نینگ سلام‌وطندارگه بیلدیریشیچه، کانکور سیناویگه کیریش اوچون رویخط‌گه آلینگن 1062 اوقووچی‌دن فقط 76ته سینی قیز اوقووچی‌لر تشکیل ایته‌دی.
گزارشلرده یازیلیشیچه، اوتگن ییل هملند ولایتی‌دن 1500 اوقووچی کانکور سیناویده اشتراک قیلگن، اولرنینگ 800 کیشی‌سی مملکت عالی تحصیلات بیلیم یورتلریگه یول تاپگن.
هلمند معارف اداره‌سی‌نینگ رسمیلری، اوشبو ولایت خوفسیزلیک وضعیتی اوتگن ییل‌لردیک یخشی بولگن‌ده ایدی، بوگون مذکور اوقووچی‌لر کانکور سیناویدن قالمس ایدیلر دیگن‌لر.
هلمند ولایت معارف اداره‌سی‌نینگ حساباتیده، ولایت بویلب فعالیت قیله دیگن 325 مکتب رویخط‌گه آلینگن؛ بیراق، هنوز هم ولایت بویلب 150 مکتب‌نینگ ایشیگی اوقووچی‌لر یوزیگه یاپق حالت‌ده قالماقده.
جناب جعفر، سونگی آیلرده ولایت مرکزی قوشیمچه تومن‌لرده نابرقرالیک میزانی آشگن‌لیگی ولایت بویلب بعضی حدودلرده مکتب‌لرنینگ ایشیگی اوقووچی‌لر یوزیگه یاپیلیب قالیشی‌گه باعث بولگن دیگن. بو معمالرگه قره‌می، ولایت معارف اداره‌سی طالب‌لر نظارتیده بولگن ایریم مکتب‌لر ایشیگی‌نی شاگردلر یوزیگه قیته‌دن آچیش‌گه موفق بولگن لیکلری ایتیله‌دی.
باشقه تاماندن، هملند ولایتی‌گه سفر قیلگن کانکور سیناوینی آله دیگن هیات باشلیغی، ولایت بویلیب محصل‌لردن آلینه دیگن کانکور سیناوی جریاینی‌ده تقلب و ساخته کارلیک یوز بیرمس‌لیگی اوچون لازم درجه ده سعی وحرکت آلیب باریلشینی تیل‌گه آلگن.
جناب امین زایی، کانکور سیناوی‌نینگ ینگی لایحه‌سی اساسیده، هر بیر اشتراکچی اوچون علیحده سوراق فورم‌لری نظرده توتیلگن لیگی باره‌سیده اشاره قیلگن. او، بو سیسنم اساسیده تقلب و ساخته کارلیک آلدی آلینیشی ممکن دیگن.
