بوندن نیچه وقت آلدین هلمند ولایتیده قوراللی طالب‌لر تامانیدن حبس‌گه آلینگن افغان امنیتی کوچلری‌نینگ آلتمیش عسکری بیر عملیات جریانی‌ده آزاد ایتیلگن‌لر. ایتیلیشیچه، مذکور حربی‌لرنینگ روحی وضعیتی یخشی.
مذکور ولایت‌ده میوند قول اردوسی‌نینگ علاقه‌لر‌اداره‌سی اورین باسری احمد شکیل تسل‌نینگ سلام‌وطندارگه ایتیشیچه، مذکور حربی عسکرلر اوتگن کیچه (پنج‌شنبه کیچه) ملی اردو همده ملی امنیت اداره‌سی حربی‌لری نینگ قوشمه بیر عملیاتی نتیجه‌سیده آزاد ایتیلگن‌لر. مذکور حربیلر ولایت‌نینگ نوزاد تومنیدن آزاد ایتیلگن‌لر. جناب تسل، حبس‌گه آلینگن حربیلر تیریک‌لیگی توغریسیده معلومات قول‌گه کیریتیلگندن سونگ عملیات اوتکزیلگن لیگنی بیلدیرگن.
اما، نوزاد ولسوااللیگی‌نینگ یشاووچی‌لری اوغیرلنگن‌لر سانی بوندن کوپ ایکن‌لیگینی ایتگن‌لر. ایتیلیشیچه، قوراللی طالب لر ملی کوچلرنینگ مذکور حربیلرینی ملی پولیس پوسته‌لریگه هجوم قیلگن‌لیک نتیجه‌سیده حبس‌گه آلینگن.
بیراق، قوراللی طالب‌لر هنوزگچه بوحقده بیرار نرسه دیمه‌گن.
جنگری طالب‌لر بوندن اوچ هفته آلدین افغان ملی کوچلریدن 65 کیشی نی اوغیرله‌گن ایدی. لیکن اوشبو حربی‌لردن هنوز هم 5ته‌سی‌نینگ تقدیری توغریسیده انیق معلومات قولده ایمس.
