.jpg)
هلمند ولایتی‌نینگ خانشین، مارجه و سنگین تومنلری طالب‌لردن تازه‌لنیشی اوچون پاکلش عملیات باشلنگن. اوتگن هفته سنگین تومنی طالبلر تصرفی‌گه اوتگنی‌دن سونگ عملیات باشلنگن.
میوند 215 قول اردو سی‌نینگ سوزلاوچیسی محمدرسول زازی‌نینگ سلام‌وطندارگه ایتیشیچه، کماندو، ملی اردو و پولیس کوچلری بیرگه لیگی‌ده عملیات اویوشتیریلیب طالبلر قولی‌ده بولگن منطقه‌لرنی تصرف قیلگن‌لر.
اوچ کون آلدینگی باشلنگن عملیات نتیجه‌سیده 50 گه یقین جنگری طالب هلاک بولگن و کوپلب حربی جهازلری نابود ایتیلگن.
ولایت سوزلاوچیسی عمر زواک هم حربی آلغه‌یشلرنی تأیید قیله‌دی و شوحاضر طالبلر قولیدن آلینگن منطقه‌لرنی امنیتی کوچلر تصفیه قیلیشگه مصروف دیدی.
.jpg)
محل یشاوچی‌لری هم امنیتی کوچلر سنگین تومنیده‌گی طالبلر قولیده‌گی قمراوگه آلینگن منطقه‌لرنی تصرف‌لریگه کیریتگن‌لیگی‌دن خبر بیره‌دیلر. اولرگه کوره، سنگین تومنیده ییرلشگن طالبلرنی بنگله‌دیش و پنجاب‌لیک طالبلر یاردم بیره‌دی.
سونگی هفته دوامی‌ده طالبلر هلمند ایریم منطقه‌سینی اوز تصرف‌لریگه کیریتگن. جنگریلر هلمند مرکزی لشکرگاه شهری یقین‌لریده اوزلرینی ایتکیزیب، هلمند- هرات شاه یولینی توسیش نیتیده ایدیلر، اما تشقی و ایچکی حربی کوچلر قرشی‌لیگی بیلن روپه‌ره بولدی.
اولکه جنوبی‌ده ییرلشگن هلمند ولایتی کوپلب طال‌بلرنینگ ایریک فعالیت قیله‌دیگن مرکزلریدن بیری بولیب، نیچه آیدن بویان آلدیندن کوره کوپه‌یب بارماقده.
