بو‌‌گون شنبه مارچ آیی نینگ 28- سی هلمند ولایت مرکزی تورمه‌سی نینگ محبوس‌لری تیلفون آرقه‌لی سلام وطندارگه ایتیشلریچه، مذکور تورمه‌نینگ اونلب محبوسی چهارشنبه کونی‌دن بیری آچلیک اعلان قیلیب، آغیزلرینی تیککن‌لر.
اوشبو محبوس‌لر، بوندن نیچه ییل‌دن بیری منتظم روش‌ده ایشیک‌لری بیکیتیلگن اوی‌لرده حیات کیچیریشلری اوچون آچلیک اعلان قیلگن لیک‌لرینی ایتگن‌لر. «تورمه نینگ رسمیلری محبوس‌لرنی بیر اویده چیکلنتیریب قویگن‌لر»
مذکور محبوس‌لر، اوشبو تورمه‌ده‌گی‌لر بیلن هم باشقه تورمه‌لرده سقلنه دیگن محبوس‌لر کبی یانده‌شیلیشی‌نی ایتگن‌لر.
هلمند مرکزی تورمه‌سی نینگ اورین باسری راز محمدخان محبوس‌لر آغزینی تیککن لیگی باره‌سیده‌گی خبرنی رد قیلیب ایتیشیچه، محبوس‌لرنینگ کوپچی‌لیک قیینچی‌لیگی حل ایتیلگن.
راز محمدخان، ملی خوفسیزلیک کینگشی‌نینگ قراری اساسیده قطار سیاسی محبوس‌لر کابل‌گه آلیب کیتیلیشی اوچون ایریم محبوس‌لری اعتراض بیلدیرگن‌لیک‌لرینی تصدیقله‌گن.
عین حالده، سلام وطندار نینگ قول‌گه کیریتگن ایریم صورتلریده شفاخانه‌نینگ داکترلری آچلیک اعلان قیلگن محبوس‌لرنی دواله‌شی کوزه تیله‌دی.
باشقه تاماندن، آچلیک اعلان قیلگن محبوس‌لر بیلن اوچره‌شگن ولایت کینگشی نینگ اعضالری همده مدنی جماعه‌چیلیک فعاللری، بعضی محبوس‌لرنینگ قیینچی‌لیگی توغریسیده ولایت رسمیلری بیلن صحبت قیلگن لیک‌لرینی ایتگن‌لر.
داووخان حکمران‌لیگی زمانی‌ده هلمند دریاسی قیرغاغی‌ده قوریلگن مذکور عمومی تورمه قلعه‌کبی تورت تیوره‌گی بلند دیوار بیلن قمره‌ب آلینگن. ایتیلیشیچه، اوشبو تورمه ده آزادلیک‌دن محروم قیلینگن 1400 کیشی حیات کیچیره دی. اولرنینگ 500دن آرتیغی سیاسی محبوس‌لر ایکنی معلوم قیلینگن.
