بوگون «دوشنبه، 9- سرطان» هلمند ولایتی نینگ سنگین تومنی بازاریده بیر پارتلش یوز بیرگن.
هلمند ولایتیدن آتی فاش ایتیلیشی‌نی ایستمه‌گن بیر منبع نینگ سلام‌وطندارگه ایتیشیچه، اوشبو واقعه ده 10 تینچ اهالی جان بیرگن و باشقه 20 تینچ اهالی یره‌لنگن.
محل یشاوچیلریدن بیرقطاری نینگ ایتیشیچه، بو هجوم راکت بولیب و دولتی کوچلر تامانیدن آتیلگن.
هلمند حاکمی سوزلاوچیسی عمر زواک، بو پارتلش نی تصدیقله‌یدی، بیراق ایتیشیچه، حاضرگچه پارتلش قنده‌ی بولگنی و قربانلری نینگ رقمی آچیقلنمه‌گن.
عمر زواک گه کوره، بو واقعه قنده‌ی بیر شکلده یوز بیرگنی توغریسیده تیکشیروولر دوام ایتماقده.
ایتیلیشیچه، اوشبو واقعه ده ساتیش اوچون بازار آلیب کیلینگن حیوانلرگه هم زیان ییتگن.
طالبان گروهی اوشبو واقعه مسؤولیتی‌نی حربی کوچلرنینگ بوینیگه تشله‌گن. هلمند ولایتیده جایلشگن 215 میوند قول اردو قومندانلیگی و مدافعه وزیرلیگی، طالبان گروهی نینگ ادعاسی گه جواب حاضرگه‌قدر هیچ نرسه دییشمه‌گن.
