بوگون (یکشنبه) خبری بیر ییغین اوتکزگن هلمند ولایتی نینگ قاچقینلر بوییچه اداره‌سی باشلیغی، ولایت‌ده اوروش کوچلنگنی باعث هنوز گچه 3 مینگ عایله یشش اوی جایلریدن آواره بولگنلر دیگن.
بو خانه‌دانلرنینگ وضعیتی یامان گزارش قیلینگن دیگن ولایت مهاجرلر اداره‌سی باشلیغی.
هلمند ولایتی نینگ قاچقینلر اداره‌سی باشلیغی نقیب‌الله زمریال، آواره‌لرنینگ کته قسمی ناوه، نادعلی، مارجه، گرمسیر و لشکرگاه شهری نینگ اوزاق منطقه‌لری اهالیسی‌دن عبارت دیدی. اونینگ سوزلریگه کوره، کونده اون عایله هلمند نینگ تورلی منطقه‌لریدن آواره بولیب، لشکرگاه شهریگه کیله دیلر.
جناب زمریال، ولایت‌ده دوام ایته دیگن اوروش نتیجه‌سیده 8 خانه‌دان آواره بولیب لشکرگاه شهری و 2 مینگ عایله ایسه قندهار و باشقه ییرلرده باش پنه ایزله‌گنلر دیگن.
عایله‌لر حیات کیچیریش اوچون مناسب مکان بولمه‌گنلیگیدن شکایت قیلیب،4 اتاقلیک بیر اویده 6 عایله تیریکچیلیک قیله دیلر دیگنلر.
آواره بولگن خانه‌دانلرنینگ سلام‌وطندارگه ایتیشلریچه، 20 کوندن بیری کراگه آلینگن اویلرده حیات کیچیره‌دیلر هنوز گچه هیچ بیر اداره بولرگه انسان‌پورلیک یاردم بیرمه‌گن. شونینگدیک بو عایله‌لر حکومتدن باش پنه ینه ییگولیک آزیق آوقت کومک قیلیش‌نی سوره‌گنلر.
هلمند ولایتی نینگ والیسی حیات‌الله حیات، آواره بولگنلرنی قیته‌دن اوی جایلریگه قیتیریش اوچون سعی و حرکتلر باشلنگن دیگن. تیزلیکده تومنلر جنگری طالبلردن تازه‌لنه‌دی دیگن ولایت والیسی.
باشقه تاماندن اجراییه ریاستی نینگ بیرینچی اورین باسری انجنیرمحمدخان، ایچکی آواره‌لر اوچون بودجه اجره تیلگن لیگی‌گه قره‌می، هنوز هم آواره‌لرگه کومک ییتکزیب بیریلمه‌گن دیب، بو توغریده تفاوت‌سیز یانده‌شگن اداره‌لر جواب بیریشی لازم دیدی.
