هلمند ولایتی نینگ محلی مسووللری، ولایت مرکزی داخل ایریم تومنلرده 16 رواجلنتیریش لایحه نینگ ایشی توخته‌تیلگن لیگی باره‌سیده خبر بیریشدیلر. رسمیلر، اوشبو مذکور لایحه‌نینگ بهاسی 2 دن 3 میلون دالر دیدیلر.
مذکور رواجلنتتیریش لایحه‌لر نینگ ایش جریانی توخته‌تیلیشی بیلن ولایتده یوزلب کیشی ایش‌سیز قالگن دیدی ولایت محلی رسمیلری.
هلمند اقتصاد اداره‌سی نینگ باشلیغی محمدخان نصرت‌نینگ سلام‌وطندارگه ایتیشیچه، حاضرگی کونده ساغلیق ساحه‌سیده‌گی 9 لایحه، ایکینچی بولیمی‌ده 2 پروژه و ایش و اجتماعی بولیمده‌گی باشقه 4 لایحه نینگ ایشی توخته‌تیلگن.
عین حالده، هلمند ولایتی نینگ اهالیسی ینه بیر قنچه مدنی فعاللر، ولایت بویلب نابرقرارلیک میزانی آشیشی هلمند خلقینی بیر قنچه قیین چیلیکلر بیلن دوچار ایتگن دیدیلر.
اهالی، ولایتده نا برقرارلیک میزانی آرتیشیدن کیین خلق محلنی ترک قیلیشی بیلن مکتبلرنینگ ایشیگی هم اوقوچیلر یوزیگه یاپیلگن دیگنلر. مذکور مدنی فعاللر و ولایت کینگشی نینگ اعضالری، دولت قوراللی مخالفلری اهالی نینگ ییش اوییده ماین اورنتگن لیکلرینی تیلگه آلگنلر.
هلمند مملکت نینگ نا برقرار ولایتلریدن حسابلنه‌دی. بو ولایتده طالبلرنینگ فعالیتی دایم سیزیلرلی درجه‌ده بولگن. جاری ییلده ولایت نینگ ایریم تومنلری شامل مرکز نینگ بیر قنچه بولیمی جنگریلر اشغالیگه اوتیشدن علاوه لشکرگاه شهری هم نیچه مرته ملی کوچلر بیلن طالبلرنینگ آغیر آتیشمه‌سی گواهی بولدی.
ایریم اقتصادی متخصصلر، ولایت نینگ تومنلری دایمی شکلده دولت تامانیدن باشقریلمه‌گن حالده، رواجلنتیریش لایحه‌لر انه شونده‌ی توخته‌تیلگن لیگیگچه قاله ویره‌دی دیگنلر.
