هلمند محلی رسمی‌لری نینگ ایتیشلریچه، ولایت گرشک تومنی نینگ شوره‌کی منطقه‌سیده امنیتی کوچلرنینگ کون کیچه اوتکزگن خاص عملیاتلری نتیجه‌سیده، اونلرچه عسکر طالب‌لر تورمه‌سیدن قویبارتیریلگن.
هلمند والیسی نینگ سوزلاوچیسی عمر زواک نینگ ایتیشیچه، سه شنبه کیچه‌سی امنیتی کوچلر طالبلرنینگ زندانیگه هجوم ایلتیش نتیجه‌سیده، 4 تینچ اهالی قوشیمچه، 32 حربی کوچلر آزاد قیلینگن. اونگه کوره، نیچه پیت آلدین طالب‌لر بوشخص‌لرنی ولایت باباجی و ایریم منطقه‌لریده قملگه آلگن ایدی. نهایتده اوتگن کیچه بو تورمه گه آلینگلنر بوتونلی قویب یوباریلگن و طالب‌لرگه ایسه آغیر تلفات اوتکزگنلر. بیراق اوشبو گروه اعضالریدن عملیات جریانیده اولیب یره‌لنگنلر سانی انیق ایمس.
215 میوند قول اردوسی‌نینگ سوزلاوچیسی محمدرسول زازی نینگ ایتیشیچه، طالب‌لر تورمه‌سیدن قویب یوباریلگن زندانیلر کیم‌لیگی انیقله‌نیشی بیلن عایله‌لریگه تاپشیریله‌دی.
هلمند ولایتیده بو بیرینچی مرته ایمس امنیتی کوچلر طالبلرنینگ قورمه‌لری اوستیگه هجوم قیله‌دی، بلکیم بوندن آلدین هم امنیتی کوچلر کوپلب طالبلرنینگ اوشبو ولایتده‌گی تورمه‌لریگه هجوم ایلتیب سونگی مرته‌ده هم 60 کیشی‌نی نوزاد تومنیدن طالب‌لر قولیدن قویب یوباریتیریلگن ایدیلر.
