.jpg)
هلمند ولایتی‌ده افغان امنیتی کوچلری اوستیگه امریکا کوچلری تامانیدن اویوشتیریلگن هوایی هجومنی اَته‌یلنگن دیگن نماینده‌لر کینگشی اعضالریدن بیرقطاری‌نینگ ایتیشیچه، بو مسئله تیزلیک‌ده جدی شکلده تیکشیریلیشی کیره‌ک.
اوتگن «جمعه» کون هلمند ولایتی‌نینگ گرشک تومنی‌ده امریکا هوا کوچلری، افغان امنیتی کوچلری‌نینگ پوسته‌لرینی هجوم آستی‌گه آلگن؛ اوشبو هجوم نتیجه‌سیده ایکی قومندان شامل امنیتی کوچلردن 16 کیشی هلاک و باشقه ایکی کیشی یره‌لنگن.
بو واقعه‌دن ساعت اوتمه‌ی پنتاگون بیر خبرنامه ترقه‌تیب و بو هجومنی تأسف‌لی بی‌خاص‌لیک دیگن.
نماینده‌لر کینگشی اعضالریدن بیرقطاری‌نینگ ایتیشیچه، بو هجوم امریکا کوچلری‌نینگ بیرینچی هجومی ایمس و شونینگ‌دیک، اوتمیش‌لرده بونده‌ی واقعه‌لر یوز بیرگن.
نماینده‌لر کینگشی بیرینچی اورین باسری همایون همایون‌نینگ ایتیشیچه، چیت ایللیک کوچلر، افغان امنیتی کوچلرینی اولدیریش اوچون ایمس، بلکیم اولرگه یاردم بیریش اوچون تعیین ایتیلگن.
عین حالده، زلمی‌خان مجددی‌نینگ ایتیشیچه، افغان امنیتی کوچلری اوستیگه امریکا کوچلری تامانیدن اویوشتیریلگن هجوم جنایت دیر. اونگه کوره، بونده‌ی هجوملر افغان امنیتی کوچلری‌نینگ روحیه‌سینی سیندیریش نیت‌ده ایریم پیت‌لر عمل‌گه آشیریله‌دی.
بیراق، ایش بیلرمانلرنینگ ایشانچی‌گه کوره، افغان امنیتی کوچلری ایریم پیت‌لر چیت ایللیک کوچلر تامانیدن بی‌خاص‌دن هجوم آستی‌گه آلینه‌دی و بو اَته‌یلنگن ایمس دیر.
حی‌گل سلیمان‌خیل‌نینگ ایتیشیچه، بونده‌ی واقعه‌لر افغان امنیتی کوچلری و چیت ایللیک کوچلر آره‌سیده اویغونلیک بولمه‌گنی سبب یوز بیره‌دی.
جناب سلیمان‌خیل‌نینگ ایشانچی‌گه کوره، امریکا کوچلری افغان امنیتی کوچلریگه ایشانمه‌یدی و عصیانچیلرنینگ توغریسیده بولگن معلومات‌لرینی اولر بیلن شریک قیلمه‌ی و اوز باشیمچه شکلده عمل قیله‌دیلر.
شونینگ‌دیک، بوندن آلدین هلمند ده امریکا تیک اوچرلری‌نینگ ایکی ایری هجومی‌ده ایکی پولیس جان بیرگن ایدی.
افغانستانده حاضر 8500 امریکالیک عسکر موجود و تیزلیک‌ده باشقه 4000 عسکر بو کوچلرگه کوپه‌یتیریله‌دی. امریکا رسمی‌لری‌نینگ ایتیشیچه، کوچلرینی کوپه‌یتیریب اوتمیش‌ده یوز بیرگن خطالرینی تکرارلمه‌یدی و بو کوچلر ینگی لایحه‌لر بیلن افغانستان توپراغی‌گه کیره‌دی.
