هلمند ولایتیده هر ییل مینگ‌لرچه جریب ییرده کوکنار ایکیله‌دی؛ بیراق حکومت ایکی ییل‌دن سونگ قیته‌دن مذکور ولایتده کوکنار ایکینزارلرینی بوزیش گه باشله‌گن.
مذکور ولایت محلی رسمی‌لری نینگ ایتیشیچه، جاری ییل کمپاینی‌ده مذکور ولایت مرکزی و تومن‌لریده بولگن کوکنار ایکینزارلری بوزیله‌دی.
بیراق، هلمند ایکینچی‌لریدن بیرقطاری نینگ ایتیشیچه، مذکور ولایت نینگ کوپینچه منطقه‌لریده کوکنار محصولاتی‌نی توپلش باشلنگن و حکومت یالغیز شهر و شهرگه یقین بولگن منطقه‌لرده ایکیلگن کوکنار ایکینزارلرینی بوزیش گه باشله‌گن.
ایکینچی‌لرگه کوره، کوکنار ایکینزارلرینی حکومت تامانیدن بوزیلیشی نمایشی دیر.
ارقام‌لرگه کوره، هلمند ولایتیده اوتگن ییل 130 هکتار ییرده کوکنار ایکیلگن ایدی؛ بیراق بو ییلده نیچه هکتار ییرده کوکنار ایکیلگنی خصوصیده بیللی ارقام یوق.
ایتیش کیره‌ک‌که افغانستانده هلمند ولایتی تریاک ایشلب چیقاره‌دیگن ولایت‌لردن بیری دیر.
