.jpg)
هرات حوزهیی کسلخانهسینینگ رسمیلری نینگ ایتیشیچه، سونگی 3 آیده 400 گه یقین هرات یشاوچیلریدن گاز آلیب اولگن. سونگی ییگیرمه کون ایچیده هرات حوزهیی کسلخانهسیده 100 دن آرتیق انسان گازگه بیریلیش دلیلی بیلن کیلتیریلگن.
هرات حوزهیی کسلخانهسینینگ سوزلاوچیسی محمدرفیق شیرزینینگ ایتیشیچه، قیش موسمیده یشش بنالرنی ایسیتیش اوچون تاش کومیر و یاغاچدن زهرلنیش و گازگه بیریلگن حادثهسی کوپهیگن. جناب شیرزی هرکون، اورتهلیک بیش کیشی مذکور واقعهلر سبب زهرلنیش و گاز آلیشی بیلن کسلخانهده کیلتیریلهدی دیگن.
.jpg)
نیچه کون آلدین، ینگی بیرکیلین- کیاو و باشقه اوچ کیشی گاز آلیش حادثهسیده حیاتدن کوز یومدیلر.
هرات حوزهیی کسلخانه شاشیلینچ بولیمنینگ باشلیغی داکتر عزیزالرحمان جامی نینگ سلاموطندار بیلن قیلگن مخصوص صحبتده ایتیشیچه، هرات شهریدهگی زهرلنیش و گاز آلیش حادثهلردن کوپیسی تاش کومیردن ناتوغری ایش آلیشلری بیلن کیلیب چیقهدی.
.jpg)
هرات حوزهیی کسلخانهسی نینگ ایچکی کسللیکلر بولیمی داکترلریدن بیری محمد داوود هاشمی نینگ ایتیشیچه، یشاوچیلر تاش کومیرنی آچیق فضاده قیزرتیریب بوتونلی یانیب بولمه گونگه قدر اوندن ایش آلیش اوچون یشش بنالریگه قویمهسینلر. گاز زهرلنیشی چله یانگن تاش کومیردن کیلیب چیقهدی و بو ایش یمان خطرلی بولیب انسانلرنی جانینی آلیشگه سبب بولهدی.
.jpg)
شونینگدیک جناب هاشمی بخاریلردن یخشی استفاده قیلینیش بارهسیده هم هراتده دود چیقارمهیدیگن بخاریلر خطری کینگ ترقهلگن دیب، یمان خطرلر بیلن بیرگه بولگنلیگینی بیلدیرهدی.
«LPJ» نوعیگه بولگن گاز فضاده ساچیلیشی بیلن «کاربن مونواکساید» نامیده زهرلی ماده تولید قیلهدی. تامنینگ هوا کیرهدیگن تیشیکلر برچهسینی کومگن کیشیلر مذکور گاز ایسکهشی بیلن اوزی هم بیلمهی قالهدی و تیزلیکده اویقوگه کیتهدی و باشقه اویغنمیدی. شو اوچون هم گاز آلیب اولگنلرنی سیکین اولیمیگه چَلینگن دیب اتهیدیلر.
