.JPG)
چمه‌سی 52مینگ جریب ییر هراتده و 17 جریب ییر ایسه هلمند ولایتی‌ده زوران‌لردن قیته‌دن آلیندی. هرات ولایتی‌نینگ محلی بلند مرتبه‌لی رسمیلری، ولایتده ایکی دهه ده عضب ایتیلگن ییرلردن 90% قیته‌دن آلیش‌گه موفق بولگن لیکلرینی ایتگن‌لر.
هرات ییر بوتونلی ریاستی‌نینگ رویخط‌گه آلیش اداره‌سی باشلیغی محمد ابراهیم محبوب‌نینگ ایتیشیچه، اوتگن ایکی دهه ده 64069جریب ییر ولایت‌نینگ ایریم منطقه‌لریده زوروان شخص‌لر تامانیدن تارتیب آلینگن. مذکور ییرلرنینگ 80% قیته‌دن ییر مافیاسیدن آلینگن دیگن.
هرات ولایت مطبوعات اداره‌سی‌نینگ مسووللریدن جیلانی فرهادگه کوره، اوشبو ولایت مملکت بویلب ییرلردن قیتریب آلیش‌ده بیرینچی اورین نی ایگله‌گن.
هرات، عالی محکمه‌سی‌نینگ باشلیغی سید غلام محمد رحمانی، هنوزگچه غضب ایتیلگن 22110 جریب ییر‌نینگ حجتی اصلی ایگه‌لریگه آلیب بیریلگن دیگن. ایتلیشیچه، باشقه ییرلرنی هم اصلی ایگه‌لریگه تاپشیریش جریانی دوامی بار.
رحمانی‌گه کوره، حاضرگی کونده ییرلرنی عضب قیلگن 100 دوسیه همده 31 شهرچه‌نی عضب ایتگن دوسیه عالی محکمه‌ده تیکشیروو جریانیده.
.jpg)
هلمند ولایت عالی محکمه‌سی‌نینگ باشلیغی حاجی طیب‌نینگ سوزلریگه کوره، پارلمان، ولایتی کینگش و بعضی زوروان کیشی‌لر تامانیدن تارتیب آلینگن 120 مینگ جریب ییردن هنوزگچه 17 جریبی ایگه‌لریگه آلیب بیریلگن.
هلمند ولایت کینگشی‌نینگ بعضی نمانیده‌لری‌نینگ سوزلریگه کوره، بو ولایتده ییر مافیاسی کوپیگنی سبب هلی مذکور ولایتده مکتب قوریش اوچون ییر تاپیلمیدی.
ییرلرنینک کوپچیلیگی کابل، هرات، بلخ، قندهار، ننگرهار، قندوز، کاپیسا، بغلان، تخار، نیمروز، خوست، لوگر و غزنی ده تارتیب آلینگن.
افغانستان سابیق جمهور رییسی حامد کرزی زمانیده نشر ایتیلگن بیر گزارش‌ده، مملکت بویلب 262مینگ 537 جریب ییر شهرچه قورگن‌لر تامانیدن تارتیب آلینگنی معلوم ایتیلگن ایدی.
