هرات مکتب‌لریدن 20 ته‌سی‌نینگ اوقیتووچی‌لری، حقوقلرینی کم‌لیگی و اولر وضعیت‌لریگه حکومت نینگ دقت‌سیزلیگی باعث، ایش‌دن قول تارتگنلر.
مذکور اوقیتووچیلرنینگ هرات ولایتی کینگش بناسی برابریده توپله‌نیب ایتیشیچه، حکومت اولر ایستک‌لریگه دقت قیلمه‌گن صورتده، درس بیریش‌گه حاضر بولمه‌یدیلر.
اوقیتووچی‌لر حقوقلری توغریسیده حکومت‌نی عدالت سیزلیک‌که عیب‌لگنلر. اولرنینگ کوپه‌یتیریشیچه، اوقیتووچیلرنینگ حقوقلری کوپ قطار وزارت‌لرنی ایشلاوچی‌لری نینگ حقوقلری بیلن مقایسه بولمه‌یدی.
هرات ولایتی کینگش مسووللرینی اوقیتووچی‌لر حقوقی و امتیازلری توغریسیده حکومت نینگ دقت‌سیزلیک‌دن تنقید قیلیب ایتیشیچه، اوقیتووچی‌لر نینگ حقوقلرینی کوپه‌یتیریلیشی کیره‌ک.
ایش‌دن قول تارتگن قطار اوقیتووچیلرنینگ ایتیشیچه، مذکور قیین‌چیلیک‌لرنی حکومت تامانیدن حل ایتیلیشی کیره‌ک.
عین‌حالده، هرات ولایتی بوییچه معارف اداره‌سی باشلیغی روح‌الله ازهد نینگ ایتیشیچه، اوقیتووچیلرنینگ ایستک‌لرینی معارف وزیرلیگی بیلن اروته‌گه قویگن و اوقیتووچیلرنینگ حقوقلرینی کوپه‌یتیریش ریجه‌سی اوستیگه ایشلنماقده.
ایکی کون آلدین افغانستان اوقیتووچی‌لری عدالت ایسته‌ش بیر ییغین آرقه‌لی مملکت 18 ولایتیده ایش‌دن قول تارتیش‌لرینی بیلدیرگن ایدی.
